كۆنكرێتكردنی دوایین شۆسته‌ی به‌نده‌ری گەورەی فاو ته‌واوبوو

ئاڤا نیوز 

كۆمپانیای گشتی بەندەرەکانی عێراق ، كۆنكرێتكردنی شۆسته‌ی پێنجه‌می لە چوارچێوەی پڕۆژەی مینای فاوی گەورە ڕاگەیاند، كه‌ به‌ دووایین شوسته‌ی به‌نده‌رەكه داده‌نرێت.

لێدوانی فەرمی: فەرحان فه‌رتووسی ، بەڕێوەبەری کۆمپانیای بەندەرەکانی عێراق ڕایگەیاند: ئێستا هه‌ر پێنج شۆسته‌كه ئاماده‌یه‌ له‌ به‌نده‌ره‌كه‌ كه‌ درێژی هه‌ر یه‌كێكیان هەزار و   750 مەتره وپێشبینی دەکرێت سەرجەم کارەکانی پڕۆژەکە مانگی تشرینی یەکەمی داهاتوو تەواو بێت.

بۆچی گرنگە: به‌نده‌ری فاوی گەورە دەکەوێتە باشووری پارێزگای بەسرە و ساڵانە ده‌توانێت 99 ملیۆن تۆن کاڵا لەخۆبگرێت، بەمەش دەبێتە یەکێک لە گەورەترین بەندەرەکانی کەنداوی عەرەبی و دەیەمین گەورەترین بەندەر لە جیهاندا.

ئه‌وه‌ی پێویسته‌ بیزانیت: نیسانی 2010 کارکردن لەم پڕۆژەیە دەستیپێکرد ، لەسەر ڕووبەری 54 کیلۆمەتر چوارگۆشە و نزیکەی پێنج ملیار دۆلاری بۆ تەرخانکراوه‌.