لە خشتەی 2024 پشکی هەرێمی کوردستان لە بودجەی پەرەپێدان کەم کراوەتەوە

ئاڤا نیوز

 

لە خشتەی بودجەی پەرەپێدان بۆ ساڵی 2024 پشکی هەرێمی کوردستان لە ڕێژەی خۆی کەمتر دیاری کراوە و بەگوێرەی میکانیزمێک، پشکەکە کەم کراوەتەوە.

 

وێنە گەورەکە: نزیکەی 42 تریلیۆن دینار لە بودجەی گشتی بۆ بودجەی پەرەپێدانی هەرێمی کوردستان و پارێزگاکان تەرخان کراوە، پشکی هەرێمی کوردستان لە پێنج ترلیۆن و 261 ملیار دینار بۆ چوار تریلیۆن و 875 ملیار دینار  کەم کراوەتەوە.

 

لێدوانی فەرمی: د. نەرمین مەعرووف، ئەندامی لیژنەی دارایی لە ئەنجوومەنی نوێنەرانی عێراق بە ئاڤا نیوزی گوت، "بودجەی پەرەپێدان بەگوێرەی دوو پێوەر دیاری دەکرێت، ژمارەی دانیشتووان و ڕێژەی هەژاری؛ پشکی هەرێمی کوردستان لە بودجە 12.67%ـە، بەڵام کراوەتە 11.74%، چونکە ژمارەی دانیشتووان و ڕێژەی هەژاری پارێزگاکانی هەرێمی کوردستان کەمترە لە پارێزگاکانی عێراق".

 

ئەوەی پێویستە بیزانیت: وردبینی لیژنەی دارایی ئەنجوومەنی نوێنەرانی عێراق لەسەر خشتەی بودجە بەردەوامە، بڕیارە لە 10ـی مانگی داهاتوو، پەسەند بکرێت.