عێراق لە تاوانکاریدا لە پلەی هەشتەمی وڵاتانی عەرەبیدایە

ئاڤا نیوز 

 

بە پێی داتاکانی ساڵی 2024ی ماڵپەڕی "NUMBEO"، عێراق لە ڕیزبەندی هەشتەمی وڵاتە عەرەبییەکان و 80ـەمینی وڵاتی جیهان دێت، لە زۆریی ڕێژەی تاوان.

 

وێنە گەورەکە: ماڵپەری نامبیۆ كە تایبەتە بە پێشکەشکردنی داتا لەبارەی ڕێژەی تاوان و چاودێریی کوالێتیی تەندروستیی وڵاتان، ساڵانە ڕاپۆرتی خۆی لەمبارەوە بڵاو دەکاتەوە.

 

زانیاریی بەدەستهاتوو: بە پێی داتاکانی ئەو ماڵپەڕە، هەردوو وڵاتی ڤەنزوێلا و پاپوا نیوگینیا لە پلەی یەکەم و دووەمی جیهاندان بە بەرزترین ڕێژەی تاوان بۆ ساڵی 2024.

 

زانیاریی زیاتر: عێراق پلەی هەشتەمی وڵاتانی عەرەبی گرتووە بە ڕێژەی 44.7% و پلەی 80ـەمینی جیهانی لە ڕێژەی تاوان گرتووە، لە دوای هەر یەک لە لوبنان، مەغریب، میسر، جەزائیر، لیبیا و سووریا دێت.

 

ئەمەش بزانە: هەریەک لە وڵاتانی قەتەر، ئیمارات و ئەندۆرا لە خوارەوەی ئەو وڵاتانەن کەمترین ڕێژەی تاوانیان هەبووە، بە ڕێژەی 16% و 15% و 12.9%.