وەزارەتی ناوخۆی بەریتانیا داوایەكی فیدراسیۆنی پەنابەرانی عێراق ڕەتدەكاتەوە

ئاڤا نیوز

فیدراسیۆنی سەرتاسەری پەنابەرانی عێراق لە نامەیەكدا داوا لە بەریتانیا دەكات، ناردنی پەنابەران بۆ ڕواندا ڕابگرێت، حكومەتی بەریتانیاش داواكارییەكە ڕەتدەكاتەوە.

وێنە گەورەكە: ڕۆژی 16-05-2024 فیدراسۆنی سەرتاسەری پەنابەران لە نامەیەكدا داوا لە وەزارەتی ناوخۆی بەریتانیا دەكات ناردنی پەنابەران بۆ ڕواندا ڕابگرێت.

هۆكارە زانراوەكان: لە نامەكەدا باس لەوە كراوە، ئەو پەنابەرانەی ڕوویان لە بەریتانیا كردووە لەبەر نەهامەتی و كێشە و دەردەسەری هەڵاتوون و نایانەوێت ڕوو لە وڵاتی سێیەم بكەن و مەترسی لەسەر ژیان و گوزەرانیان دروست دەبێت، لەگەڵ ئەوەی كارێكی مرۆڤدۆستانە نییە كارێكی هەڵە و مەترسیداریشە.

بۆچوونی لایەنی بەرامبەر: حكومەتی بەریتانیا لە 22ـی ئەم مانگەدا وەڵامی نامەكەی داوەتەوە و دەڵێت "ناردنی پەنابەران بۆ رێگریكردنە لە بازرگانیكردن بە مرۆڤ و ڕوانداش وڵاتێكی ئارامە و هیچ كەس نانێردرێتەوە وڵاتێک ئاژاوە و شەڕی تێدابێت.