وەزارەتی دارایی: لە ڕۆژێکدا 10 هەزار مووچەخۆر لەڕێگەی هەژماری منەوە مووچەیان وەرگرت

ئاڤا نیوز

 

وەزارەتی داراییی هەرێمی کوردستان ڕایدەگەیێنێت، تەنیا دوێنێ پێنجشەممە، 10 هەزار مووچەخۆر لەڕێگەی هەژماری منەوە مووچەکانیان وەرگرتووە.

 

وێنە گەورەکە: 400 هەزار مووچەخۆر لە پڕۆژەی هەژماری من تۆمارکراون و 220 هەزار کارتیش بە مووچەخۆران دراونەتەوە.

 

ڕاگەینراوی فەرمی: وەزارەتی دارایی ڕایگەیاند: "دوێنێ 10هەزار مووچەخۆر لەڕێگەی هەژماری منەوە تەواوی مووچەکانیان وەرگرت، تاوەکو هەفتەی ئایندەش 25هەزار مووچەخۆر بەم شێوازە مووچەکانیان وەردەگرن".

 

زانیاریی بەدەستهاتوو: تاوەکو ئێستا 100 ئامێری ATM لەلایەن بانکەکانی نێو پڕۆژەی هەژماری من دانراون، پلانەکە ئەوەیە ڕێژەکە بگەیێنرێتە هەزار ئامێر لە سەرتاسەری هەرێمی کوردستان.