سەرۆکوەزیران بارزانی داواکارییەکی هەڵەبجە تیڤی جێبەجێ دەکات

ئاڤا نیوز

دوای ئەوەی هەڵەبجە تیڤی داوایەکی بەرزکردەوە بۆ مەبەستی لێخۆشبوون لە وەرگرتنی ڕسووماتی کەناڵەكە، سەرۆکوەزیران بارزانی ڕەزامەندی لەسەر دا.

لێدوانی فەرمی: شنروێ ئەحمەد، بەڕێوەبەری هەڵەبجە تیڤی بە ئاڤا نیوزی گوت: ئەم بڕیارە لە ڕووی ماددییەوە پشتیوانییەکی گرنگ بوو بۆ ئێمە، هەروەها لە ڕووی مەعنەویشەوە لەلایەن سەرۆکوەزیران بارزانی بڕیارێکی وا بۆ کەناڵەکەمان دەربچێت، ئەمە دەسکەوتێکی زۆر گەورەیە.

ئەوەی پێوستە بیزانیت: لە مانگی نۆی ساڵی 2023 داواکە لە لایەن هەڵەبجە تیڤی بەرز کراوەتەوە و لە مانگی چواری ئەمساڵ داواکارییەکەیان قبوڵ کراوە، ئەو ڕسووماتەی بڕیاری لێخۆشبوونی بۆ دەرچووە نزیکەی 10 تا 20 ملیۆن دینارە.

باکگراوند: بڕیاری لێخۆشبوون لە ڕسووماتی کەناڵی هەڵەبجە، لە ژێر ڕۆشنایی بڕگەی حەوتی بڕیاری ژمارە دووی ساڵی 2006ی سەرۆکایەتیی هەرێمی كوردستان دەرکراوە.