وەزیری دەرەوەی ئەمریكا  گەیشتە ئۆكراینا

ئاڤا نیوز

 

بۆ دڵنیابوون لە گەیشتنی هاوكارییەكانی ئەمریكا بۆ ئۆكراینا، وەزیری دەرەوەی ئەمریكا گەیشتە کیێڤی پایتەخت و چاوی بە گەورە بەرپرسانی ئەو وڵاتە كەوت.

 

بۆچی گرنگە: گەشتەکەی ئەنتۆنی بلینکن، وەزیری دەرەوەی ئەمریکا، تەنیا چەند هەفتەیەک دوای پەسەندکردنی پاکێجێکی نوێی هاوکاری لەلایەن کۆنگرێس دێت بۆ ئۆکراینا کە بڕەکەی 61 ملیار دۆلارە.

 

ئەوەی پێویستە بیزانیت: بلینكن بە شەمەندەفەر لە پۆڵەنداوە گەشتی بۆ كیێڤ کرد، ئەمە چوارەم سەردانیەتی بۆ كیێڤ لەداوی هێرشەكانی ڕووسیا بۆ سەر ئۆکراینا.

 

لێدوانی فەرمی: جەیک سۆلیڤان، ڕاوێژکاری ئاسایشی نیشتمانیی ئەمریکا بە ڕۆژنامەنووسانی ڕاگەیاند، پاکێجێکی نوێی چەک "لە ڕۆژانی ئایندە" بۆ ئۆكراینا ڕادەگەیێنن.

 

زانیاریی زیاتر: كۆشکی سپی، ڕۆژی دووشەممە ڕایگەیاند، ئەوەی لەتوانیاندا بێت دەیکەن بۆ پەلەکردن لە  ناردنی چەک بۆ ئۆکراینا.