ئەڵمانیا: ڕووسیا هێرشی ئەلکترۆنی کردووەتە سەرمان

ئاڤا نیوز

 

ئەڵمانیا سەرزەنشتی ڕووسیا دەکات و تۆمەتباری دەکات بە سپۆنسەرکردنی ئەو هاکەرانەی کە ساڵی 2023 هێرشی ئەلکترۆنییان کردووەتە سەر ئەندامانی پارتی سۆسیال دیموکرات.  

 

لێدوانی فەرمی: ئانالێنا بەیربوک، وەزیری دەرەوەی ئەڵمانیا ڕایگەیاند، "ئەمڕۆ ئێمە دەتوانین بە ڕوونی بڵێین کە ئەم هێرشە ئەلکترۆنییە لەلایەن گرووپێکەوە بووە بە ناوی APT28 و لەلایەن دامەزراوەی هەواڵگریی سوپای ڕووسیاوە ئاراستە دەکرێت".

 

زانیاریی زیاتر: ئەڵمانیا هۆشداری داوە لەوەی ئەم جۆرە هێرشانە بە هیچ جۆرێک جێگەی قبوڵکردن و لێخۆشبوون نین و سزایان بەدوادا دێت. 

 
ئەوەی پێویستە بیزانیت: گرووپی هاکەری APT28 کە بە 'ورچی فانتازی'ـش ناسراوە و بە ئەنجامدانی هێرشی هاوشێوە لە چەندین وڵاتی دیکە تۆمەتبارە.