توركیا وڵاتی دابوو نەریتە جیاوازەكان

ئاڤا دیجیتاڵ

‎تورکیا شوێنی چەندین دابوو نەریتی ناوازەیە، کە لە هیچ شوێنێکی دیكەی جیهان ئەستەمە بیدۆزیتەوە. 

‎چیرۆکە سەرەکییەکە: هەموو وڵاتێكی جیهان  دابوونەریتی جیاواز و تایبەت بەخۆی هەیە، توركیا یەکێكە لەو وڵاتانەی چەندین دابوونەریتی جیاواز بەخۆی هەیە كە جێگەی سەرنج و تێبینین.

‎ئەوەی پێویستە بیزانیت: سەرنجراکێشترین داب و نەریتەکانی تورکیا

‎1-  چا خواردنەوە: تورکیا جگە لەوەی پێنجەم گەورەترین بەرهەمهێنەری چایە لە جیهاندا، هاوکات گەورەترین بەکارهێنەری چای جیهانە، لە هەر شوێنێک کە خەڵک کۆدەبنەوە، لە گۆشەی شەقامەکانەوە تا کافتریا و چێشتخانە و شوێنی کار، کوپێک چا دەدۆزرێتەوە لە تورکیا، پێشکەشکردن و خواردنەوەی چا بەشێکی سەرەکییە لە پەیوەندی کۆمەڵایەتی، لە کاتی سەردانی تورکیادا نەریتە کە کوپێک چای سوور و تۆخ لەناو کوپێکی شێوە لالەنگیدا پێشکەش دەکرێت.

‎2-  نانی بەیانی: تورکەکان ڕوانگەیەکی جیاوازیان هەیە بەرامبەر بە نانی بەیانی، نانی بەیانی بەشێکی گرنگی ڕۆژە لە کولتوری تورکیادا، ژەمێک نییە بە مانای ئاسایی، بەڵکو کۆبوونەوەی ئەندامانی خێزان یان هاوڕێکانە، تورکەکان کاتژمێرێکی زۆر لەسەر مێزی نانی بەیانی بەسەر دەبەن و بڕێکی زۆر چا دەخۆنەوە، نانی بەیانی تورکیا زۆر دەوڵەمەندە بە زۆری جۆرە جیاوازەکانی پەنیر و مرەبا و هێلکە و سۆس و شیرینی و بێگومان نان.

‎3- پشیلە لە تورکیا: هەر شوێنێک بچیت ئاو و قاپی وشکی خواردنی پشیلە بەدرێژایی شەقام و لای بیناکان دەبینیت، پشیلەکان بە فەرمی بەخێو ناکرێن، چونکە لەلایەن تۆڕێکی کۆمەڵایەتی گەورەی خۆشەویستانی پشیلەوە چاودێری دەکرێن، سەرسامی تورکەكان بە پشیلە سەرچاوەیەکی نهێنی هەیە، بەڵام ڕەنگە یەکێک لە هۆکارەکانی مامەڵەکردن بەشێوەیەكی باش لەگەڵ پشیلە پەیوەندی بە ئاینی ئیسلامەوە هەبێت، پشیلە ڕێگەی پێدراوە بچێتە ناو ماڵ و مزگەوتەکانەوە چونکە پێیان وایە بوونەوەرێکی پاکن.

‎4-  نیشتمانپەروەريی تورک: تورکەکان هەستێکی بەهێزی نیشتمانپەروەرییان هەیە، هیچ ڕێگەیەکی باشتر نییە بۆ نیشاندانی دڵسۆزی خۆیان بۆ وڵاتەکەیان لەوەی ئاڵای تورکیا لەسەر سەریان بەرز بکەنەوە یان لە هەموو شوێنێک هەڵیبواسن،  ئەو خولیایەی تورکەکان بۆ ئاڵاکەیان هەیانە، لە هەموو کاتێکدا دیارە، بۆ بینینی ئاڵاکە پێویستت بە بۆنەیەکی تایبەت و پشووی فەرمی نییە.

‎5- سڵاو و ئاماژەی تورکیی: کاتێک باس لە سڵاوکردن دەکرێت لە تورکیا پیاوان بە تەوقەکردن و پاراستنی چاوپێکەوتن سڵاو لە یەکتر دەکەن، دەستگرتنێکی توند گونجاوە، باوەشکردن و دەست لێدانی نەرم لە پشتدا لە نێوان هاوڕێ نزیکەکان و خێزانەکاندا شتێکی ئاساییە، زۆرجار لەگەڵ بەرزبوونەوەی برۆ یان تەنانەت تەنها بەرزبوونەوەی برۆ بەتەنها، لە تورکیادا ئاماژەیە بۆ "نا"، هەرچەندە لە زۆربەی وڵاتان ئاماژەکە ئاماژەیە بۆ "بەڵێ".

‎6-  حەمامی تورکيی: گەشەسەندنی حەمامەکانی تورکیا وەک دامەزراوەیەکی ڕۆشنبیری دەگەڕێتەوە بۆ سەردەمی  ئیمپراتۆریەتی عوسمانیی، شێوازی ژیانی تورکەکان لە دەوری داب و نەریتە کۆنەکانی خۆشۆردن دەسوڕێتەوە، خۆشۆردنی تورکی چەندین ڕێوڕەسمی جۆراوجۆر لەخۆدەگرێت، حەمامی توركیی لەبری هەڵم پشت بە ئاوی گەرم و سارد دەبەستێت، حەمامەکان ڕۆڵێکی تایبەتی هەیە لە کولتوری تورکیادا وەک شوێنی ئاهەنگگێڕان بۆ بۆنە تایبەتەکان، وەکو ئاهەنگی بووک و لەدایک بوون، ئاهەنگی 40 ڕۆژی منداڵیی، خۆشۆردنی سەرباز.