لە یەکەم ڕۆژی جەژن 122 کەس لە غەززە گیانیان لەدەست دا

ئاڤا نیوز

 

بەھۆی ھێرشەکانی چەند کاتژمێری ڕابردووی ئیسرائیلەوە، 122 کەسی دیکە لە غەززە گیانیان لەدەست دا.

 

لێدوانی فەرمی: وەزارەتی تەندروستیی فەڵەستین لە کەرتی غەززە بڵاوی کردەوە، لە سەرەتای شەڕی ئیسرائیل و حەماس لە 7ی ئۆکتۆبەری ساڵی ڕابردوو، ژمارەی کوژراوان گەیشتووەتە 33 ھەزار و 482 کەس.

 

بۆچی گرنگە: بەشێک لە کوژراوان سێ کوڕ و ژمارەیەک نەوەی ئیسماعیل هەنیە، سەرۆکی مەکتەبی سیاسیی بزووتنەوەی حەماسن.

 

ئەوەی پێویستە بیزانیت: لە میانی دانوستانەکانی ئەم دواییەی قاھیرە، ئیسرائیل ڕازی بووە بە گەڕانەوەی ئاوارە فەڵەستینییەکان بۆ باکووری غەززە کە ئێستا بەھۆی بۆردوومانەکانەوە وێران بووە.

 

زانیاریی زیاتر: ئیسرائیل ڕازی بووە بە گەڕانەوەی 150 ھەزار ئاوارە بۆ ناوچەکانی خۆیان لە باکووری غەززە بەبێ ھیچ پشکنینێکی ئەمنی، لە بەرامبەریشدا دەبێت حەماس لیستی ناوی ئەو بارمتە ئیسرائیلییانەی (نەخۆش و پەککەوتە و ژنن) ئاشکرا بکات.