خامنەیی هەڕەشەی سزادانى ئیسرائیل دەكات

ئاڤا نیوز

ئێران بەردەوامە لە هەڕەشەکانی بۆ تۆڵەسەندنەوە لە هێرشەکەی ئیسرائیل بۆ سەر باڵیۆزخانەی ئەو وڵاتە لە دیمەشق. ڕێبەری ئێران جارێکی دیکە هەڕەشەی سزادانی ئیسرائیل دەكات.

لێدوانی فەرمی: ئایەتوڵا خامنەیی، ڕێبەری کۆماری ئیسلامیی ئێران، ڕایگەیاند "نووسینگەکانی کۆنوسوڵخانە و باڵیۆزخانە لە هەر وڵاتێک بەشێکن لە خاکی ئەو وڵاتە؛ کاتێک ئەوان هێرش دەکەنە سەر کۆنسوڵخانەکەمان واتە هیرشیان کردووەتە سەر خاکی ئێمە. ڕژێمی شەیتانی لەم بارەیەوە هەڵەیەکی کرد؛ دەبێت سزا بدرێت و سزاش دەدرێت."

زانیاریی زیاتر: بەرپرسانی دیکەی ئێران لە ئاستی جیاواز هەڕەشەی تۆڵەسەندنەوەیان لە ئیسرائیل کردووە؛ بەڵام تا ئێستا هەڕەشەکان جێبەجێ نەکراون. 

باکگراوند: لە هێرشەکەی ئیسرائیلدا بۆ سەر باڵیۆزخانەی ئێران لە دیمەشق كە دووشەممەی ڕابردوو ڕوویدا، حەوت ئەندامی باڵای سوپای پاسدارانی ئێران کوژران کە دووانیان پلەی جەنەڕاڵیان هەبوو.