عێراق هێشتا  هەشت ملیار و 900 ملیۆن دۆلار قەرزارە

ئاڤا نیوز  

سەرەڕای گرتنەبەری چەندین ڕێوشوێن لەلایەن دامودەزگاکانی حکومەت بۆ کەمکردنەوەی قەرزە دەرەکییەکانی، هێشتا حکومەتی عێراق هەشت ملیار و 900 ملیۆن دۆلار قەرزدارە.

وێنە گەورەکە: عێراق لە کۆتاییەکانی ساڵی 2022 بڕی 19 ملیار و 729 ملیۆن دۆلار قەرزدار بووە، لە ساڵی 2023 قەرزە دەرەکییەکانی بۆ 15 ملیار و 976 ملیۆن دۆلار کەمکردووەتەوە. لەم ساڵیشدا قەرزەکە کەمبووەتەوە بۆ هەشت ملیار و 900 ملیۆن دۆلار.

ڕاگەیێنراوی فەرمی: باسم عەوادی، گوتەبێژی حکومەتی عێراق ڕایگەیاند: " حکومەتی عێراق پەیوەست بە ڕێکخستنی قەرزی دەرەکی و پەیکەری قەرزە دەرەکییە گشتییەکانی عێراق، کۆمەڵێک ڕێکاری جێبەجێکاری گرتووەتەبەر و بەهۆیەوە 50٪ی قەرەزەکان کەمبووەتەوە".