پێشنیازێكی نوێ بۆ كێشەی پۆستی سەرۆكی پەرلەمانی عێراق دەكرێت

ئاڤا نیوز

بۆ چارەسەركردنی كێشەی پۆستی سەرۆكی پەرلەمانی عێراق، پێشنیازێك بۆ هەمواركردنەوەی پەیڕەوی ناوخۆی پەرلەمان ئامادە دەكرێت.

وێنە گەورەكە: چوارچێوەی هەماهەنگی دەیەوێت بەزووترین كات كێشەی پڕكردنەوەی پۆستی سەرۆكی پەرلەمان لە نێوان لایەنە سوننەكان یەكلایی بكاتەوە.

زانیارییە بەدەستهاتووەکان: چوارچێوەی هەماهەنگی دەیەوێت پۆستەکە بۆ دەستەی سەرۆكایەتی بگۆڕدرێت، ڕەنگە ئەو پێشنیازە لە دانوستانەكاندا بكرێتە مەرجیش.

خاڵی نەرێنی: دەستەی سەرۆكایەتی ڕۆڵی سەرۆكی پەرلەمان لاواز دەكات، چونکە بڕیارەكان بە كۆی دەنگ یان بە زۆرینەی دوو دەنگی سەرۆكی و دوو جێگرەكەی دەبێت.

ئەوەی پێویستە بیزانیت: دادگای فیدراڵی 14 ساڵ پێش ئێستا ئەم بابەتەی یەکلایی کردووتەوە و بە بڕیاری ژمارە 87 لە ساڵی 2010 دا ڕوونی كردووەتەوە، شتێك نییە بە ناوی دەستەی سەرۆكایەتیی پەرلەمانی عێراق.