ئەمریکا 10 ملیۆن دۆلار لە بەرامبەر زانیاری لەسەر "پشیلە ڕەشەکە" دەدات

ئاڤا نیوز

 

وەزارەتی دەرەوەی ئەمریکا خەڵاتێکی 10 ملیۆن دۆلاری تەرخان کردووە بۆ هەر کەسێک کە زانیاریی لەسەر گرووپی هاککەری مافیایی سەرانەسێنی "پشیلە ڕەشەکە” پێ بدات.

 

چیرۆکی سەرەکی: دامەزراوەی تەندروستیی یونایتدهێڵسی ئەمریکا، لەلایەن ئەم گرووپە هاککەرەوە هێرشێکی ئەلیکترۆنی کرایە سەر و کێشەی بۆ پارەدانی بیمە بە بەهای 14 ملیار دۆلار لە سەرتاسەری وڵاتەکە دروستکرد.

 

چی ڕوویدا؟ پاش ئەو هێرشە، دامەزراوەی تەندروستیی یونایتدهێڵس ڕووبەڕووی هێرشەکە بووەوە و خزمەتگوزارییە ئۆنلاینەکانی دەستپێکردەوە. 

 

ڕاگەیێنراوی فەرمی: وەزارەتی دەرەوەی ئەمریکا ڕایگەیاند: “گرووپی چەتەی ئەلیکترۆنیی پشیلە ڕەشەکە، لە سێکتەرە گرنگەکانی ژێرخان لە ئەمریکا و تەواوی جیهان چوونەتە نێو تۆڕی کۆمپیوتەرەکان”. 

 

ئەوەش بزانە: سەرەتاکانی ئەم مانگە هاککەرەکان ڕایانگەیاند، دامەزراوەی تەندروستیی یونیاتدهێڵس 22 ملیۆن دۆلاری پێداون تاوەکو سیستەمە ئەلکترۆنییەکەیان پێ بدرێتەوە.