ساڵانە دانیشتووانی عێراق یەک ملیۆن زیاد دەكات

ئاڤا نیوز

ڕاوێژکارێکی سەرۆکوەزیرانی عێراق ئاشکرایکرد ئاستی گەشەی دانیشتووانی عێراق زیادیکردووە و ساڵانە نزیکەی ملیۆنێک کەس زیاد دەکات.

لێدوانی فەرمی: مەزهەر محەممەد، ڕاوێژکاری ئابووری سەرۆکوەزیرانی عێراق ڕایگەیاند: ساڵانە نزیکەی ملیۆنێک کەس لەعێراق لەدایک دەبن. هاوکات باسی لە دوو ئاڵنگاری کرد کە ڕووبەڕووی گەشەسەندنی عێراق دەبنەوە، گەشەسەندنی کشتوکاڵی بە ئامرازێک بۆ سەقامگیری دیموگرافی عێراق ناوبرد و جەختی لە بەردەوامیی سیاسەتی نیشتەجێکردنی حکومەتی عێراق کردەوە.

ئەوەی پێشبینی دەکرێت: ڕاوێژکارەکەی سوودانی دەڵێت عێراق لەو وڵاتانەیە کە ساڵانە گەشەی دانیشتووانی زیاد دەکات، بە 5%2 دەخەملێنرێت و زۆرجار لە ساڵەکەدا زیاترە، هاوکات ژمارەی دانیشتووان ساڵانە نزیکەی ملیۆنێک کەس زیاد دەکات.

زیانە مەترسیدارەکان: بەگوتەی ئەو ڕاوێژکارەی سەرۆکوەزیرانی عێراق، نزیکەی %10 ی دانیشتووانی عێراق لە دۆخێکی سەختدا دەژین و ژیانیان هەڕەمەکییە، هۆکارەکەش نەبوونی ژێرخانی ماددی و یاساییە.

باکگراوند: ژمارەی دانیشتووانی عێراق بەپێی دواین ئامار 40 ملیۆن کەسی تێپەڕاندووە.

بۆچی گرنگە: لەزۆرێک لە وڵاتانی جیهان بەهۆی سیاسەتی ڕێگری لەدایکبوون و سەختبوونی باری دارایی خێزانەکان ئاستی گەشەی دانیشتووان کەم دەکات یاخوود زۆر سستە.