ئوسترالیا خوازیاری سەرخستنی پرۆسەی ئاشتییە لە توركیا

ئاڤا نیوز

باڵیۆزی ئوسترالیا لە عێراق هەوڵەكان بۆ چەسپاندنی ئاشتی لە توركیا بەرزدەنرخێنێت. ڕاشیگەیاند، حكومەتی وڵاتەكەی سەرسامە بەم پێشكەوتنانەی لە هەرێمی كوردستاندا بەدی هاتوون.

وێنە گەورەكە: ئەمڕۆ چوارشەممە 19-3-2025، سەفین دزەیی، بەرپرسی فەرمانگەی پەیوەندییەكانی دەرەوەی هەرێمی كوردستان، پێشوازی لە گلێن مایڵس، باڵیۆزی ئوسترالیا لە عێراق كرد و گفتوگۆ لەبارەی دوایین پێشهاتەكانی هەرێمی كوردستان و عێراق و ناوچەكە كرا.

ڕاگەیێنراوی فەرمی: فەرمانگەی پەیوەندییەكانی دەرەوە لە ڕاگەیێنراوێكدا ئاماژەی بەوە كرد، لە دیدارەكەدا باس لە پرۆسەی ئاشتی لە توركیا و پێشڤەچوونەكان كراوە، هاوكات دۆخی ناوچەی خۆرهەڵاتی ناوەڕاست بەگشتی تاوتوێ كراوە.

لەلایەکی دیکەوە: مایڵس سەرسامی حكومەتی ئوسترالیای بەم پێشكەوتنانەی لە هەرێمی كوردستان بەدی هاتوون، دەربڕی، هاوكات هەوڵەكان بۆ چەسپاندنی ئاشتی لە توركیا بەرز نرخاند.