شەڕێکی جیاوازی بووک و خەسوو لە مەکسیک

ئاڤا نیوز

ژنێکی مەکسیکی سێ پیاو بەکرێ دەگرێت بۆ ئەوەی جلی بووکێنی بووکەکەی بشێوێنن و ئاهەنگی هاوسەرگیری کوڕەکەی هەڵبووەشێننەوە.

چیرۆکی سەرەکی: لەکاتێکدا بووکەکە لە دەرەوەی ئەو کڵێسایە وەستابوو کە بڕیار بوو ئاهەنگی هاوسەرگیرییەکە تێیدا بەڕێوەبچێت، سێ پیاو دێن و بۆیەی سوور بە جلیدا دەڕژێنن، هەمووشی بە ڤیدیۆ تۆمار دەکەن، کە ڕەنگە وەک بەڵگە بۆ خەسووی ببەنەوە، چونکە ئەمە پلانی خەسوو بووە بۆ هەڵوەشاندنەوەی هاوسەرگیرییەکە.

زانیاری زیاتر: ئەمە یەکەمجار نەبووە ماڵی زاوا بە ڕێگای جیاواز هەوڵی هەڵوەشاندنەوەی هاوسەرگیرییەکە بدەن، برایەکانی زاواش چەندجارێک لەڕێگەی هەژماری ساختەی تۆڕە کۆمەڵایەتییەکان هەڕەشەیان لە کچەکە کردووە.

هۆکارە زانراوەکان: ئەوەی دەگوترێت ماڵی زاوا خاوەن کۆمپانیان و کچەکەش لە خێزانێکی هەژارە، بۆیە بە هاوسەرگیرییەکە ڕازی نین.

ئەمەش بزانە: بووکەکە دوای لەبەرکردنی جلێکی نوێ گەڕاوەتەوە مەراسیمەکە و هاوسەرگیرییەکە سەری گرتووە، بۆیە خێزانی زاوا کوڕەکەیان لە کۆمپانیاکەیان دەرکردووە و چەندین پرۆپاگەندەشیان لەسەر بووکەکە بڵاوکردووەتەوە.