ئاکسیۆس: سوودانی هەوڵی ئازادکردنی توێژەرێکی ئیسرائیلی دەدات

ئاڤا نیوز

ماڵپەڕی "ئەکسیۆس"ـی ئەمریکی، هەوڵەکانی سەرۆکوەزیرانی عێراق بۆ ئازادکردنی ئەلیزابێس تسورکۆڤ، توێژەری ڕفێندراوی ئیسرائیلی لە عێراق، ئاشکرا دەکات.

چیرۆکی سەرەکی: لە سەرەتای مانگی تەمموزی ساڵی 2023 ئیسرائیل ڕفاندنی ئەلیزابێس تسورکۆڤ، توێژەری زانکۆی پرینستۆنی ئەمریکی و هەڵگری ڕەگەزنامەی ئیسرائیلی و ڕوسی لەلایەن گرووپێکی چەکداری لە بەغدای پایتەختی عێراق ڕاگەیاند.

ڕاگەیێنراوی فەرمی: باراک دافید، پەیامنێری ئەکسیۆس لەتوێتێکدا لەتۆڕی لەپلاتفۆرمی x لە زاری فوئاد حسێن، وەزیری دەرەوەی عێراق، نووسیویەتی: ئەلیزابێس تسورکۆڤ توێژەری ئیسرائیلی - ڕووسی کە لەلایەن گرووپێکی چەکداری عێراقییەوە بە بارمتە گیراوە، لەژیاندا ماوە و زیندووە.

زانیاریی زیاتر: دافید ئاشکرایکردووە، وەزیری دەرەوەی عێراق پێی گوتووە کە محەممەد شیاع سوودانی، سەرۆکوەزیرانی عێراق کار بۆ ئازادکردنی تسورکۆڤ دەکات.