لە هەولێر شێفەکانی کوردستان و عێراق ڕکابەرایەتی لەسەر نازناوی نوێنەرایەتی دەکەن

ئاڤا نیوز

 

بەسەرپەرشتی دەستەی گەشتوگوزاری حکومەتی هەرێمی کوردستان زیاتر 400 شێفی کوردستان و عێراق ڕکابەرایەتی لەسەر بەدەستهێنانی نازناوی نوێنەرایەتی شێفی عێراق دەکەن، بۆ ئەو مەبەستەش ئەمڕۆ لە هەولێر پێشبڕکێیەکیان بۆ ساز دەکرێت.

 

وێنە گەورەکە: پێشبڕکێکە بۆ ماوەی دوو ڕۆژ بەردەوام دەبێت و تیمی هەڵبژاردەی شێفەکانی عێراق دیاریدەکرێن، ئەمەش بەمەبەستی بەشداریکردنیان لە پێشبڕکێ و پاڵەوانییەتیە نێودەوڵەتییەکان. 

 

لێدوانی فەرمی: سیروان تۆفیق، بەڕێوەبەری دەستەی گەشتوگوزار، بە ئاڤا نیوزی ڕاگەیاند: لە پێشبڕکێیەکەدا زیاتر 400 شێف لەسەرتاسەری عێراق بەشداریی دەکەن کە زیاتر لە 70 کەسیان کوردن. 

 

زانیاریی زیاتر: سیروان تۆفیق، دەڵێت: پێشبڕکێکە بۆ ماوەی دوو ڕۆژ بەردەوام دەبێت و لە ساڵی داهاتووش دوو ڕپژی دیکە بەردەوام دەبێت، لە کۆتایدا 15 شێف وەکو نوێنەری هەڵبژاردەی عێراق دیاری دەکرێن.