سوودانی: ئامادەین هاوکاریی گەلانی سووریا بکەین

ئاڤا نیوز

 

لە بەغدای پایتەخت سەرۆکوەزیرانی عێراق و وەزیری بەرگری ئەڵمانیا لەبارەی دۆخی سووریا و هەماهەنگی نێوان هەردوو وڵات کۆبوونەوە.

 

ڕاگەیێنراوی فەرمی: نووسینگەی ڕاگەیاندنی سەرۆکوەزیرانی عێراق ڕایگەیاند: لەمیانی کۆبوونەوەی لەگەڵ بۆریس پیستۆریۆس، وەزیری بەرگری ئەڵمانیا، محەممەد شیاع سوودانی، سەرۆکوەزیرانی عێراق ئاشکرایکرد، وڵاتەکەی ئامادەیە بۆ پێشکەشکردنی هەموو جۆرە هاوکارییەک بۆ گەلانی سووریا.

 

سوودانی جەختی لەوە کردەوە، پێویستە حکومەتی داهاتووی سووریا سەرجەم پێکهاتەکانی ئەو وڵاتە لەخۆ بگرێت و ڕێز لە ئیرادەیان بگیرێت و یەکڕیزی و ئاسایش و سەقامگیری سووریا پارێزراوبێت.

 

له‌لایه‌كی دیكه‌وه: پیستۆریۆس ئاماژەی بەوەدا، عێراق و ئەڵمانیا هەماهەنگییان لە زۆربەی بوارەکاندا هەیە، وڵاتەکەی ئامادەی پێشکەشکردنی هەموو هاوکارییەکی هەیە لەپێناو سەقامگیری ناوچەکە.