وەزارەتی ناوخۆی عێراق وردەکاریی جێگیرکردنی پاسەوانی سنوور لە ئامێدی بڵاودەکاتەوە

ئاڤا نیوز

وەزارەتی ناوخۆی عێراق ڕایگەیاند، هێزەکانی پاسەوانی سنوور لە خاڵە سنوورییەکانی عێراق و تورکیا لە ناحیەی شێلادزێ‌ جێگیرکراون.

ڕاگەیێنراوی فەرمی: وەزارەتی ناوخۆی عێراق ڕایگەیاند: لە دوورترین شوێنی سەر سنوور لەگەڵ تورکیا، هێزێکی لیوای یەکی سنوور توانییان بەرە و خاڵی سفری سنوور بچن و خاڵە سنوورییەکان بگرنە دەست، کە دەکەوێتە ناحیەی شێلادزێی سەر بە‌ قەزای ئامێدی.

زانیاریی زیاتر: تەکنەلۆژیای پێشکەوتووی سەربازی بۆ بنکە سەربازییە نوێیەكان دابین دەکرێت، ئەمەش لە چوارچێوەی هەوڵەکانی وەزارەتی ناوخۆدایە، بۆ کۆنترۆڵکردنی سنوورەکان بەشێوەیەکی کاریگەر بۆ چاودێریکردنی حاڵەتە گوماناوییەکان و ڕووبەڕووبوونەوەی کەسانی دەرەوەی یاسا.

باکگراوند: ڕۆژی 21-02-2024، هێزەکانی پاسەوانی سنووری عێراق 13 کیلۆمەتر بەرەو ناوچەی نێروە و ڕێکان ڕۆیشتن، کە ماوەی زیاتر لە 30 ساڵە بەهۆی شەڕی تورکیا و پەکەکە کراونەتە ناوچەی قەدەغەکراو، بەمەش ژیان بۆ 85 گوند دەگەڕێتەوە.