حەوت بڕیار و پڕۆژە لە سەرۆکوەزیران بارزانییەوە بۆ پارێزگای هەڵەبجە

ئاڤا نیوز

سەرۆکوەزیران بارزانی لە سەردانەکەیدا بۆ هەڵەبجە کۆمەڵێک بڕیار و پڕۆژەی گرنگی بۆ خزمەتکردنی خەڵک ڕاگەیاند.

چیرۆکی سەرەکی: لە وەڵامی داواکاری خەڵک، سەرۆکوەزیران بارزانی ئەمڕۆ پێنجشەممە بەڵێنەکەی بەجێگەیاند و بە دەستی پڕەوە سەردانی پارێزگای هەڵەبجە، بێنازترین پارێزگای هەرێمی کوردستانی کرد.

سەرۆکوەزیران بارزانی بە یاوەری قوباد تاڵەبانی لەگەڵ یەکە ئیدارییەکانی پارێزگاکە کۆبووەوە و ڕاستەوخۆ گوێی لە داواکارییەکان گرت. ڕەزامەندیشی لەسەر جێبەجێکردنی زۆربەی داواکارییەکان دا. دواتر لە پەیامێکدا جەختیکردەوە خۆیان بە قەرزاری خەڵكی هەڵەبجە دەزانن و دەبوایە بەشێوەیەكی شایستەتر خزمەتی پارێزگاکە بکرێت:

 

بڕیار و پرۆژەکان:

• بەشێک لە داهاتی مەرزەکانی هەڵەبجە بۆ خزمەتکردنی شارەکە تەرخان دەکرێت.
• ڕێککارەکانی دامەزراندنی کۆلێژێکی پزیشکی دەستپێدەکات.
• ماستەرپلانی هەڵەبجە بەتایبەت کاری بۆ دەکرێت و تایبەتمەندێتی پێدەدرێت.
• ڕێککارەکانی بەقەزابوونی خورماڵ تەواو دەکرێن .
• 500 کەس بە گرێبەست بۆ ئیدارەکانی هەڵەبجە دادەمەزرێنرێن.

• پرۆسەی قیرتاوکردنی شەقامەکانی ناو هەڵەبجە دەستپێدەکەنەوە.

•پڕۆژەی پردی تووەقووت دەستپێدەکات.