ئیخڵاس دلێمی: هەفتەی داهاتوو مووچەی مانگی 10 خەرج دەکرێت

بزنس
8 کاتژمێر لەمەوپێش

شەیری بکە لە:

ئیخڵاس دلێمی، جێگری سەرۆکی لیژنەی دارایی لە پەرلەمانی عێراق قسە بۆ ئاڤا دەکات

ئاڤا نیوز

لە بەغدا پرۆسەی وردبینی لە لیستی مووچەی مانگی 10 دەستیپێکردووە، جێگری سەرۆکی لیژنەی دارایی پەرلەمانی عێراق دەڵێت، هەفتەی داهاتوو پڕۆسەی خەرجکردنی پارە دەستپێدەکات.

وێنە گەورەکە: چەند ڕۆژێکە شاندێکی وەزارەتی دارایی و ئابووریی هەرێمی کوردستان لە بەغدایە، بەمەبەستی تاوتوێکردنی گرفتە تەکنیکییەکانی ناردنی مووچەی مووچەخۆرانی هەرێمی کوردستان، لەگەڵ خۆیان لیستی مووچەیان ڕادەستی وەزارەتی دارایی عێراق کردووە.

لێدوانی فەرمی: ئیخڵاس دلێمی، جێگری سەرۆکی لیژنەی دارایی پەرلەمانی عێراق بە ئاڤا نیوزی گوت: "وردبینیکردن لە لیستی مووچە دوو ڕۆژی دیکە دەخایەنێت، دوای تەواوبوونی پڕۆسەکەخەرجکردنی پارە دەستپێدەکات."

ئەوەی پێویستە بیزانیت: حکومەتی هەرێمی کوردستان بۆ دابەشکردنی مووچەی مانگی 10 پێویستی بە 996 ملیار دینارە و بڕیارە بە چەند گوژمەیەک بنێردرێت.

لەلایەکی دیکەوە: سەبارەت بە پڕۆژەی هەژماری من و تۆمارکردنی مووچەخۆران، ئیخڵاس دلێمی گوتی: "هەر مووچەخۆرێک تاوەکو مانگی 12 هەژماری منی نەبێت، مووچەکەی ڕادەگیرێت".