شاندی هەرێمی کوردستان لەبارەی مووچە لەگەڵ وەزارەتی دارایی عێراق کۆدەبێتەوە

ئاڤا نیوز

شاندێکی هەرێمی کوردستان لە بەغدایە و بۆ تاوتوێکردنی لیستی مووچەی مانگی 10 لەگەڵ وەزارەتی دارایی عێراق کۆدەبێتەوە.

 

وێنە گەورەکە:  بڕیارە وەزارەتی دارایی عێراق مووچەی مانگی 10 بەبێ لێبڕین، بە چەند گوژمەیەک و لە ماوەیەکی کەمدا بنێرێت، بۆ تاوتوێکردنی لیستی مووچە و چەند بابەتێکی دیکەش شاندێک لە بەغدایە.

 

لێدوانی فەرمی: سەرچاوەیەک لە وەزارەتی دارایی و ئابووری بە ئاڤا نیوزی گوت: "شاندەکەی هەرێمی کوردستان لیستی مووچەی مانگی 10یان لەگەڵ خۆیان بردووەتە بەغدا، بۆ ئەوەی هەر تێبینیەک هەبێت لەوێ چارەسەری بکەن".

 

ئەوەی پێویستە بیزانیت: بڕیارە ئەمڕۆ دووشەممە شاندەکە لەگەڵ بەشی ژمێریاری وەزارەتی دارایی عێراق کۆدەبێتەوە.

 

خاڵی ئەرێنی: بڕیارە تا کۆتایی ئەمساڵ سەرجەم گرفتە هونەرییەکانی لیستی مووچە چارەسەر بکرێن و لە ساڵی نوێدا هیچ گرفتێک نەمێنێت، هەر مووچەخۆرێکیش تاوەکو 20-11ی ئەمساڵ بایۆمەتری نەکات مووچەی ڕادەگیرێت.