لە پارێزگای زیقار خۆپیشاندانە و دۆخی ئەمنیی نا جێگرە

ئاڤا نیوز 

دژی دەستگیرکردنی ژمارەیەک چالاکوانی مەدەنی، ئێستا لە پارێزگای زیقار خۆپیشاندانی جەماوەری بەڕێوەدەچێت، هێزە ئەمنییەکانیش دەیانەوێت بە هێز بڵاوە بەخۆپیشاندەران بکەن. 

 

چیرۆكه‌ سه‌ره‌كیه‌كه‌: چەند ڕۆژیکە بەبیانوی جۆراوجۆر، پۆلیسی پارێزگای زیقار هەڵمەتێکی دەستپێکردووە بۆ دەستگیرکردنی  ژمارەیەک چالاکوانی ناسراوی پارێزگاکە.

 

زانیاریی بەدەستهاتوو: سەرچاوەیەکی ئەمنی لە زیقار ڕایگەیاند: خۆپیشاندەران لە گۆڕەپانی حەبوبی ناوەندی شاری ناسرییە کۆبوونەوە و سەرجەم ڕێگاکانی هاتوچۆی دەورووبەری گۆڕەپانەکەیان داخستووە،هێزە ئەمنییەکانی گازی فرمێسک ڕێژیان بەکاردەهێنن بۆ بڵاوە پێکردنییان. 

 

زانیاریی زیاتر: خۆپیشاندەران هەڕشەی بەردەوامی خۆپیشاندانەکان دەکەن و داوای دەستبەجێ ئازادکردنی زیندانییانیان و دەستلەکارکێشانەوەی فەرماندەی پؤلیسی شارەکەیان دەکەن.