ئەوروپا و کەنداو بڕیار لەسەر ڕێڕەوێکی بازرگانی دەدەن

ئاڤا نیوز

یەکێتیی ئەوروپا بەنیازە ڕێککەوتنێکی ئابووری لەگەڵ وڵاتانی کەنداو بکات بۆ بەستنەوەی کەنداو بە یەکێتیی ئەوروپا.

وێنە گەورەکە: یەکەمین لووتکەی ئەنجوومەنی هاوکاریی یەکێتیی ئەوروپا و وڵاتانی کەنداو لەژێر ناونیشانی “هاوبەشی ستراتیژی بۆ ئاشتی و خۆشگوزەرانی" لە برۆکسل بەڕێوەچوو.

ڕاگەیێنراوە فەرمییەکان: لە یەکەم بەیاننامەی هاوبەشی لووتکەی یەکێتیی ئەوروپا و کەنداو دووپات لەسەر ئەوە کرایەوە: بەرژەوەندی هاوبەشمان دووپات دەکەینەوە بۆ ئەوەی پەیوەندییەکی بازرگانی و وەبەرهێنانی گەشەسەندووی هاوبەش، لە چوارچێوەیەکی فرەلایەنە و ناوچەیی پەرەی پێبدرێت.

زانیاریی زیاتر: لە لووتکەکەدا، سەرکردەکانی یەکێتیی ئەوروپا و ڕێکخراوی بازرگانیی جیهانی پابەندبوونی هاوبەشی خۆیان بە هاوبەشییەکی ستراتیژی بۆ ژینگەیەکی بازرگانی و وەبەرهێنانی هاوبەش، گواستنەوەی سەوز و دیجیتاڵی، وزەی بەردەوام و پەیوەندیکردن دووپات کردەوە.

ئەمەش بزانە: یەکێتیی ئەوروپا دووەم گەورەترین هاوبەشی ئابووری وڵاتانی کەنداوە و قەبارەی بازرگانی نێوانیان ساڵی ڕابردوو 170 ملیار یۆرۆ بووە.