وەزارەتی تەندروستیی عێراق: سلێمانی لە کۆلێرا یەکەمە

ئاڤا نیوز

وەزارەتی تەندروستیی عێراق ئاماری تووشبووانی کۆلێرا بڵاودەکاتەوە و بەپێی ئامارەکە پارێزگای سلێمانی لەسەر ئاستی عێراق یەکەم و پارێزگای هەولێر دواهەمینە.

وێنە گەورەکە: نەخۆشیی کۆلێرا لە خۆراك و ئاوی پیس بە ڕێگەی خواردن و خواردنەوە دەگوازرێتەوە بۆ جەستەی مرۆڤ، ماوەی گەشەکردنی دوو کاتژمێر تا پێنج ڕۆژ دەخایەنێت، بەهۆی پیسبوونی ئاوی سلێمانییەوە ماوەی چەند ساڵێکە حاڵەتی کۆلێرا لە سنووری ئەو پارێزگایە لە بەرزبوونەوەدایە.

 

لێدوانی فەرمی: سەیف بەدر، گوتەبێژی وەزارەتی تەندروستیی عێراق لە کۆنگرەیەکی ڕۆژنامەوانیدا ڕایگەیاند: ئەمساڵ 438 حاڵەتی توشبوون بە کۆلێرا لە عێراق تۆمارکراون، زۆرترین تووشبوو لە پارێزگای سلێمانی و کەمترینیان لە پارێزگای هەولێر بووە. 

ژمارەکان وادەڵێن: بەگوێرەی ئاماری وەزارەتی تەندروستیی عێراق، لە سنووری پارێزگای سلێمانی 119 تووشبوو، لە کەرکووک 108 تووشبوو،  لە دیالە 107 تووشبوو و لە هەولێریش تەنیا 69 تووشبوو تۆمارکراون.