وەزیری ناوخۆ: هیچ کارگەیەکی ماددەی هۆشبەر لە عێراقدا نییە

ئاڤا نیوز

وەزیری ناوخۆی عێراق دڵنیایی دەدات، هیچ کارگەیەکی ماددەی هۆشبەر لە عێراقدا نییە، هەموو ئەو دەنگۆیانەش لەو بارەی بوونی کارگەی ماددەی هۆشبەرەوە، ڕەتدەکاتەوە.

 

وێنە گەورەکە: چەند ساڵێکە ئاماری دەستگیرکردنی بازرگانان و بەکارهێنانی ماددەی هۆشبەر لە عێراق زۆر زیادی کردووە، لێکۆڵەرانی ئەو بوارەش گومان لەبوونی کارگەی ماددەی هۆشبەر دەکەن کە لە عێراقدا بوونی هەبێت.

 

لێدوانی فەرمی: عەبدولئەمیر شەممەری، وەزیری ناوخۆی عێراق ڕایگەیاند: تائێستا چەندین هەوڵ بۆ بەقاچاخ هێنانی ماددەی هۆشبەر لە سنوورەکانەوە پووچەڵکراوەتەوە، بۆ ڕێگریکردن لەو دیاردەیەش، ڕێوشوێنی ئەمنی توند گیراوەتەوبەر و دڵنیایی دەدەین، هیچ کارگەیەکی بەرهەمهێنانی ماددەی هۆشبەر لە عێراقدا نییە

زانیاریی زیاتر: بۆ یەکەمجار تەنیا لەمساڵدا زیاتر لە 100 بازرگانانی ماددەی هۆشبەر بەپێی یاسا تایبەتەکان بە بازرگانیی نێودەوڵەتی سزای لەسێدارەدانیان بەسەردا سەپێندراوە.