ئامێرێکی مۆبایل لەکاتی تەقینەوەی باترییەکەی
ئاڤا نیوز
پاش تەقینەوەی ئامێرە ئاگادارکردنەوەکانی(پەیجەر) حیزبوڵڵا کە لەلایەن ئەندام و چەکدارەکانییەوە بەکاردەهێنران، ئایا مەترسیی ئەوە هەیە ئەو مۆبایلانەی ڕۆژانە بەدەستمانەوەن هاوشێوەی پەیجەرەکانی حیزبوڵلا بتەقنەوە؟
وێنە گەورەکە: ڕۆژی سێشەممە، لە ڕووداوێکی دەگمەندا و لەیەک کاتتدا ئەو ئامێرانەی کە ئەندامانی حیزبوڵلا بۆ ئاگادارکردنە و پەیوەندی کردن لەگەڵ لەیەکدی بەکاریدەهێنن، لەناو گیرفان و دەستی هەزاران چەکدار و ئەندامی حیزبوڵڵا لەسەرانسەری لوبنان و سووریا تەقینەوە، هەزاران کەس بریندار بوون و 13 کەسیش کوژران، لەناو بریندارەکانیشدا باڵیۆزی ئێران لە لوبنان هەیە. ڕاستەوخۆش دوای ڕووداوەکە حیزبوڵڵا پەنجەی تۆمەتی بۆ ئیسرائیل درێژ کرد.
هۆکارە زانراوەکان: بەپێی ئەو زانیارییانەی بڵاوکراونەتەوە، ڕووداوەکەی لوبنان هێرشی ئەلیکترۆنی نییە، بەڵکو سەرجەم ئەو ئامێرانە [ پەیجەر] بەر لەوەی بگەنە دەست ئەندامانی حیزبوڵلا، دەستکاریی کراون و ماددەی کیمیایی و تەقینەوە لەگەڵ پاترییەکەیان تێکەڵکراوە و دواتر، لە ڕێگەی هاککردن و ناردنی شەپۆلێکی زۆری وزەی کارۆموگناتیسی ئامێرەکان گەرم بوون و تەقیوونەتەوە.
ئایا دەکرێت ئەو مۆبایلەی دەستت لەهەر ساتێکدا بتەقێتەوە؟
دکتۆر ئوسامە مستەفا، پسپۆڕی تەکنەلۆژیای زانیاریی میسری لە چاوپێکەوتنێکی تایبەتدا لەگەڵ 'عەرەبیە نێت' دەڵێت: ئەوەی لە لوبنان ڕوویدا بە ئەنقەست بوو، چونکە ئەو ئامێرانەی کە چوار مانگ لەمەوبەر گەیشتنە دەست حیزبوڵڵا، ماددەی تەقەمەنی هەستیاریان تێدابوو.
ئەو پسپۆڕە دەشڵێت، گەرمبوون و زیاد بەکارهێنانی ئامێرەکانی پەیوەندی نابێتە هۆی ئەو تەقینەوە لەناکاوەی کە زیانێکی زۆر بە بەکارهێنەرانی بگەیێنێت، ئەو ڕووداوەی کە لە لوبنان ڕوویدا دەگمەنە و کارەساتێکی وا گەورە بۆ ئامێرەکانی پەیوەندی و مۆبایلەکانی دەستمان بەو شێوە گەورەیە ڕوونادات.
چی بکرێت بۆ پاراستنی مۆبایلەکانمان؟
شارەزایانی تەکنەلۆژیای ئامۆژگاریمان دەکەن، پێویستە مۆبایل لەبەر تیشکی خۆر جێنەهێڵڕێت، هاوکات دووربین لە بەکارهێنانی کێبڵ و پاتری کواڵێتی نزم، ئەمەش گرنگترین هۆکارە بۆ پاراستنی مۆبایلەکانمان.
هۆکارەکانی گەرمبوونی مۆبایلەکانمان چین؟
خۆبەدوورگرتن لە کارپێکردنی زۆرێک لە ئەپلیکەیشنەکان و بژاردەی "پاراستنی بارگاویکردن" (Charging protection) لە مۆبایلەکاندا کارا بکرێت کە لە زۆربەی مۆبایلەکاندا هەیە، چونکە بارگاویکردنی بەردەوام دوای ڕێژەی 100% مەترسی لەسەر تەمەنی پاتری دروست دەکات.
زیاتر لەسەر ئەم بابەتانە بکۆڵەرەوە
دوایین هەواڵەکان
- جیهان
- 28 خولەک لەمەوپێش
بولگاریا لێکۆڵینەوە لە ناردنی پەیجەرەکان بۆ حیزبوڵڵا دەکات
- ببینە و ببیستە
- 29 خولەک لەمەوپێش
بەرنامەی زەڕەبین؛ ماددەی هۆشبەر
- ببینە و ببیستە
- 54 خولەک لەمەوپێش
چیرۆکەکانی کوردستان - ئەڵقەی چوارەم
- کوردستان
- 1 کاتژمێر لەمەوپێش
لە هەولێر گرفتی کەمئاوی بە تەواوی چارەسەر دەکرێت
هەڵبژاردەکان بۆ تۆ
ڕەسووکە دەچێتە گوندی سرێشمەی باڵەکایەتی
20 کاتژمێر لەمەوپێش
ڕواندز و بیارە پێشبڕکێ بۆ بوون بە خۆشترین گوندی گەشتیاریی جیهان دەکەن
23 کاتژمێر لەمەوپێش
کاتی دابەشکردنی مووچە لە کوردستان و عێراق یەکدەخرێت
18 ئەیلوول
نهێنیی تەقینەوەی بێتەلەکانی حیزبوڵڵای لوبنان ئاشکرا دەبێت
17 ئەیلوول
پەیجەر چییە و بۆچی چەكدارانی حیزبوڵڵا بەكاریدەهێنن؟
17 ئەیلوول
- بژاردە
- 21 کاتژمێر لەمەوپێش
نرخی نەوت دابەزی