ئامێرەکانی پەیوەندیکردنی ئەندامانی حیزبوڵڵا چۆن تەقیونەتەوە؟
- ڕۆژهەڵاتی ناوەڕاست
- 17 ئەیلوول
دیمەنی یەکەم ئامێریپەیجەر پێش ئەوەی لەبەر پشتێنی کەسێک لە مارکێتێک بتەقێتەوە. دووەم، ئامێرێکی پەیجەر بە نوێی لەگەڵ پارچەیەکی ئامێرەکە دوای ئەوەی تەقیوەتەوە
ئاڤا نیوز
ئیسرائیل ئامێرەکانی پەیوەندیکردنی ئەندامانی حیزبوڵڵای لوبنان لەڕێگەی هاککردنەوە دەتەقێنێتەوە و بەهۆیەوە زیاتر لە هەزار کەس بریندار دەبن.
چیرۆکی سەرەکی: دوانیوەڕۆی ئەمڕۆ سێشەممە هێرشێکی ئەلیکترۆنی لەلایەن ئیسرائیلەوە کرایە سەر ئامێرەکانی پەیوەندیکردنی ئەندامانی حیزبوڵڵای لوبنان و بەهۆیەوە زیاتر لە هەزار و 200 کەس بریندار بوون.
ئەوەی پێویستە بیزانیت: هێرشەکە کراوەتە سەر ئامێرەکانی بێتەل (پەیجەرفۆن)، کە لەلایەن ئەندامانی حیزبوڵڵا بەکاردەهێنرێن، ئامێرەکان هاککراون و بەوهۆیەوە سەرجەمیان لە یەک کات تەقیونەتەوە.
ئەوەی لەبارەیەوە دەگوترێت:
ڕۆیتەرز: بەپێی لێدوانی سەرچاوە ئەمنییەکان: ئەو ئامێرە پەیوەندییانەی لە لوبنان تەقیونەتەوە، نوێترین مۆدێلن کە لە چەند مانگی ڕابردوودا لەلایەن حیزبوڵڵایەوە هێنراون.
وۆڵ ستریت جۆرناڵ: بەگوێرەی سەرچاوە ئاگادارەکان: ئەو ئامێرە پەیوەندییانەی لە لوبنان کرانە ئامانج نوێترین جۆری ئامێرەکە بووە کە لەم دواییانەدا بە دەست حیزبوڵڵا گەیشتووە.
بەگوێرەی سەرچاوە نزیکەکانی حیزبوڵڵا: هەندێک کەس هەستیان بە گەرمبوونی ئامێرەکان کردووە و پێش ئەوەی بتەقنەوە ئامێرەکانیان لەخۆیان دوورخستووەتەوە.
ئەسیۆ شەیتید پرێس: بەگوێرەی سەرچاوە نزیکەکانی حیزبوڵڵا: ئامێرە نوێیەکانی پەیوەندیکردن بە پاتری لیسیۆم تەیارکراون و وادیارە لە ئەنجامی گەرمبوونی زۆرەوە تەقیونەتەوە.
دەستەی پەخشی ئیسرائیل: ئەنجوومەنی ئاسایشی نەتەوەیی داوا لە وەزیرەکان دەکات خۆیان لە لێدوان سەبارەت بە ڕووداوەکانی لوبنان بەدوور بگرن.
نەقیبی سەندیکای پزیشکانی لوبنان: بانگەوازێکی بەپەلە بۆ سەرجەم پزیشکان لە سەرجەم پسپۆرە جیاوازەکان دەستبەجێ بچنە سەنتەری کارەکانیان و پێشوازی لە بریندارەکان بکەن.
ڕوانگەی سووری بۆ مافەکانی مرۆڤ: هێرشەکە سووریاشی گرتووەتەوە و لە دیمەشق چەندین ئەندامی حیزبوڵڵا گەیێنراونەتە نەخۆشخانەکان.
ئەمەش بزانە: تایبەتمەندییەکانی ئامێری پەیجەر:
- یەکێکە لە ئامێرەکانی پەیوەندیکردن (بێتەل یان لاسلکی).
- هەڵگرتنی ئاسانە و بچووکە، بلوتوس و وایفای هەیە.
- توانای گۆڕینەوە و ناردنی کورتەنامەی هەیە.
- ڕێگری لەوە دەکات سیخوڕی بەسەر پەیوەندییەکانتەوە بکرێت.
- دروستکراوی وڵاتی چینە.
زیاتر لەسەر ئەم بابەتانە بکۆڵەرەوە
ئاڤا دیجیتاڵ
Editor
دوایین هەواڵەکان
- کوردستان
- 2 کاتژمێر لەمەوپێش
زیادکردنی ناوی منداڵ لە فۆرمی خۆراک ڕاگیراوە
- ببینە و ببیستە
- 3 کاتژمێر لەمەوپێش
کەرکووک بەرەو کوێ؟
- عێراق
- 4 کاتژمێر لەمەوپێش
لیژنەی دەستپاکی: بەڕێوەبردنی پۆستە حکومییەکان بە وەکالەت "گەندەڵییە"
هەڵبژاردەکان بۆ تۆ
ئیلۆن مەسک ئینتەرنێت لە یەمەن کارا دەکات
4 کاتژمێر لەمەوپێش
ئاڤا نیوز لیستی هاوکاتکراوی مووچە لەنێوان هەولێر و بەغدا بڵاودەکاتەوە
6 کاتژمێر لەمەوپێش
ڕەسووکە دەچێتە گوندی سرێشمەی باڵەکایەتی
18 ئەیلوول
ڕواندز و بیارە پێشبڕکێ بۆ بوون بە خۆشترین گوندی گەشتیاریی جیهان دەکەن
18 ئەیلوول
کاتی دابەشکردنی مووچە لە کوردستان و عێراق یەکدەخرێت
18 ئەیلوول
- ڕۆژهەڵاتی ناوەڕاست
- 4 کاتژمێر لەمەوپێش
ئیسرائیل لوبنان بۆردوومان دەکات و حیزبوڵڵا وەڵام دەداتەوە
- ڕۆژهەڵاتی ناوەڕاست
- 4 کاتژمێر لەمەوپێش
ئیلۆن مەسک ئینتەرنێت لە یەمەن کارا دەکات
- ڕۆژهەڵاتی ناوەڕاست
- 8 کاتژمێر لەمەوپێش
ئیسرائیل: ئێران ویستوویەتی نەتانیاهۆ و گالانت تیرۆر بکات