سەرۆکوەزیران بارزانی لەبارەی پێنج پرس لەگەڵ شاندێکی باڵای عێراق کۆدەبێتەوە

ئاڤا نیوز 

 

لەبارەی دەروازەکان، گومرگ، کشتوکاڵ، بازرگانی و بیمەی کۆمەڵایەتی، سەرۆکوەزیران بارزانی و ئەندامانی ئەنجوومەنی وەزاری عێراق بۆ کاروباری ئابووری کۆدەبنەوە. 

 

وێنە گەورەکە: ڕۆژی 7-9-2024 سەرۆکوەزیران بارزانی لەگەڵ ئەنجوومەنی وەزاری عێراق بۆ کاروباری ئابووری کۆدەبێتەوە، هەردوولا چۆنیەتی چارەسەرکردنی کێشە هەڵوەسراوەکانی نێوان هەولێر و بەغدا تاوتوێ دەکەن.

 

زانیاری بەدەستهاتوو: سەرچاوەیەک لە ئەنجوومەنی وەزاریی عێراق بۆ کاروباری ئابووریی بە ئاڤا نیوزی گوت: لە کۆبوونەوەی ئەنجوومەنەکەمان لەگەڵ سەرۆکوەزیران بارزانی باس لە دۆسییە ئابوورییە هاوبەشەکان دەکرێت، لەوانەش دەروازەکان، گومرگ، کشتوکاڵ، بازرگانی و بابەتەی دەستەبەری بیمەی کۆمەڵایەتی.

 

زانیاری زیاتر: بەهێزکردنی هەماهەنگی بۆ برەودانی زیاتر بە کەرتی کشتوکاڵ و یەکخستنی ڕێکارەکان بۆ قەدەغەی هاوردەی بەرهەمی دەرەکی بەگوێرەی پێویستی و زیادکردنی پشتیووانی بۆ بەرهەمی ناوخۆ، تەوەرێکی دیکەی کۆبوونەوەکە دەبێت.