دادگەی بەڕازیل بە فەرمانێک ئێکس لە وڵاتەکەی قەدەغە دەکات

ئاڤا نیوز

 

دادگەی باڵای بەڕازیل بڕیاری ڕاگرتنی پلاتفۆرمی ئێکسی لە سەرانسەری وڵاتەکەی دا. 

 

وێنە گەورەکە:  دوای ئەوەی دادگەی دادی بەڕازیل لە ماوەی  ڕابردوودا هۆشداری بە پلاتفۆرمی ئێکس دا، کە ئەگەر  داواکارییەکانی دادگەی باڵا جێبەجێ نەکات، ڕێکاری توند دژی پلاتفۆرمەکە دەگرنە بەر. بەرواری 2024-08-30 بە فەرمانێکی دادگەی باڵای وڵاتەکە پلاتفۆرمی ئێکس لەسەرانسەری ئەو وڵاتە قەدەغەکرا، تا ئەو کاتەی ئێکس نوێنەری یاسایی خۆی لە بەڕازیل دەستنیشان دەکات.

 

ڕاگەیێنراوی فەرمی: دی مۆراس، دادوەری دادگەی باڵای بەڕازیل دەڵێت، ماوەی پێنج ڕۆژی دیاریکردووە بۆ کۆمپانیاکانی خزمەتگوزاری ئینتەرنێت بۆ ڕێگریکردن لە دەستگەیشتن بە ئێکس، هەروەها پلاتفۆرمەکە بە قەدەغەکراوی دەمێنێتەوە تا ئەو کاتەی ئێکس پابەند دەبێت بە بڕیارەکانی دادگە.

 

زانیاریی زیاتر: لەدوای بڕیاری دادگەی باڵا بۆ قەدەغەکردنی ئێکس، هەر هاوڵاتییەک یاخود کۆمانیایەکی خزمەتگوزاریی ئینتەرنێت ئێکس بەکاربهێنێت ڕۆژانە بە بڕی 8,900 دۆلاری ئەمریکی سزادەدرێت.