زانایانی چین ڕێگایەکیان بۆ بەرهەمهێنانی ئاو لە خاكی مانگ دۆزییەوە

ئاڤا نیوز  

دوای سێ ساڵ لێکۆڵینەوەی ورد و دڵنیابوونەوە، ڕێگەیەکی تەواو نوێ بۆ بەرهەمهێنانی بڕێکی زۆر ئاو دۆزراوەتەوە.

وێنە گەورەكە: پێشبڕکێ هەیە لە نێوان چین و ئەمریکا بۆ دۆزینەوە و دەرهێنانی سەرچاوەکان لەسەر مانگ، لە ساڵی 2020 هەندێک خاکی مانگ لە لایەن زانایەکی چینی هێنرایەوە و بۆ ماوەی سێ ساڵ توێژینەوەی وردی لەسەر کرا.

بڵاوکراوەی فەرمی: ئاژانسی هەواڵی "شینهوا"ی چینی بڵاویکردەوە: ئەو ئەنجامانەی زانایانی پەیمانگەی نینگگو بۆ زانستی کەرەستە و ئەندازیاری لە ئەکادیمیای زانستی چینی بەدەستیان هێناوە دەرکەتووە: ئەو خاکەی لە سەر مانگ هێنراوەتەوە یەدەگی زۆری هایدرۆجینی تێدایە، ئینجا کاتێک هایدرۆجین گەرم دەکرێت، کارلێک دەکات لەگەڵ ئۆکسیدی ئاسن کە لە کانزاکاندا هەیە بڕێکی زۆر ئاو بەرهەم دەهێنێت.

ئەوەی پێویستە بیزانیت: لە تاقیکردنەوەکاندا دەرکەوت، دەتوانرێت لە گەرمکردنی یەک گرام خاکی مانگ -76-51 میلیگرام ئاو بەدەستبهێنرێت. واتە 51-76 کیلۆ ئاو لە گەرمکردنی یەک تۆن خاکی مانگەوە دەستدەکەوێت، یەکسانە بە 100 بوتڵی 500 ملیلیتری و ئەمەش ئاو بۆ 50 کەس لە ڕۆژێکدا دابین دەکات.