سەرۆکوەزیران بارزانی سەردانی هاوژین و منداڵەکانی پێشڕەو دزەیی دەکات

ئاڤا دیجیتاڵ

 

دوای هێرشە مووشەکییەکەی ئێران، هاوژین و منداڵەکانی پێشڕەو دزەیی بۆ چارەسەرکردن ڕەوانەی دوبەی کران؛ لە پەراوێزی لووتکەی جیهانیی حکومەتەکان لەو شارە، سەرۆکوەزیرانی بارزانی سەردانی کردن.

 

ڕاگەیێنراوی فەرمی: "سەرۆکوەزیران بارزانی لە دوبەی، سەردانی هاوژین و منداڵە بریندارەکانی پێشرەو دزەیی کرد کە لە ڕووداوی هێرشە مووشەکییەکەی هەولێر بریندارببوون؛ لە تەندروستی پرسین و هیوای چاکبوونەوەی خێرای بۆ خواستن". ماڵپەڕی فەرمیی حکومەتی هەرێمی کوردستان ئەمەی ڕاگەیاندووە. 

 

باکگراوند: درەنگانی شەوی 15ـی یەکی 2024، سوپای پاسدارانی ئێران بە مووشەک هێرشی کردە سەر ماڵی پێشڕەو دزەیی و بەهۆیەوە خۆی، ژینا کچە تەمەن 11 مانگەکەی، سەرمایەدارێکی هاوڕێی و کارگوزارێکی فلیپینی گیانیان لەدەستدا؛ شەش کەسی دیکەش بریندار بوون کە ئەندامانی خێزانەکەی و کارگوزارەکانی بوون.