كەیسی 102 هەزار خاوەن پێداویستی تایبەت دەبررێتە لای سوودانی

ئاڤا نیوز

وەزیری كار و كاروباری كۆمەڵایەتی كەیسی خاوەن پێداویستییە تایبەتەكان دەباتە لای سەرۆكوەیزانی عێراق، بۆ ئەوەی بۆ هاوتاكردنی مووچەی خاوەن پێداویستییە تایبەتەكان و بڕینەوەی مووچە  بۆ 13 هەزاری دیكە.

وێنە گەورەكە: لە هەرێمی كوردستان 89 هەزار خاوەن پێداویستیی تایبەت مووچە وەردەگرن، لە ساڵی  2014 ـەشەوە 13 هەزار و 120 خاوەن پێداویستی تایبەت لیژنەیان كردووە و چاوەڕوانن مووچەیان بۆ ببڕێتەوە، بۆ ئەو مەبەستە وەزیری كار و كاروباری كۆمەڵایەتی دەچێتە بەغدا.

لێدوانی فەرمی: ئاریان ئەحمەد، گوتەبێژی وەزارەتی كار و كاروباری كۆمەڵایەتی بە ئاڤا نیوزی گوت: "چاوەڕێی دیاریكردنی بەروارێك دەكەین لەلایەن نووسینگەی سوودانی، بۆ ئەوەی لەگەڵ وەزیری كار كۆببێتەوە و ڕەزامەندی لەسەر هاوتاكردنی مووچەی خاوەن پێداویستییە تایبەتەكان بدات."

زانیاریی زیاتر:" جگە لە سەرۆكوەزیرانی عێراق، كوێستان محەممەد وەزیری كار و كاروباری كۆمەڵایەتی بە جیا لەگەڵ وەزیری دارایی و وەزیری كاری عێراقیش بۆ هەمان مەبەست كۆدەبێتەوە".
گوتەبێژی وەزارەتی كار و كاروباری كۆمەڵایەتی وای گوت.

بۆچی گرنگە: 100 هەزار دینار جیاوازی لە نێوان مووچەی خاوەن پێداویستییە تایبەتەكانی هەرێمی كوردستان و عێراق هەیە،  بە هاوتاكردنی مووچەكانیان، كەمترین مووچەی خاوەن پێداویستییە تایبەتەكان دەبێتە 250 هەزار دینار، كە ئێستا 100 بۆ 150 هەزارە.