عێراقییەکان ساڵانە نیو ملیار مریشک دەخۆن

ئاڤا نیوز

 

شارەزایەکی ئابووری ڕایدەگەیێنێت، هەلێکی زۆری وەبەرهێنان لە کەرتی پەلەوەری لە عێراق هەیە، بەرهەمی ناوخۆیی پەلەوەر و بەرهەمەکانی ساڵانە دەگاتە 200 هەزار تۆن.

 

لێدوانی فەرمی: نەبیل مەرسوومی، شارەزای ئابووریی عێراق لە لاپەڕە فەرمییەکەی لە فەیسبووک ڕایگەیاندووە: جگە لەوەی لە نێوخۆ بەرهەم دەهێنرێت، ساڵانە 800 هەزار تۆن پەلەوەر و بەرهەمەکانی لە ئێران و تورکیا و بەڕزایلەوە هاوردە دەکرێت.

 

زانیاریی زیاتر: بە گوتەی ئەو شارەزا ئابوورییە، بەکارهێنانی نێوخۆیی ساڵانە دەگاتە یەک ملیۆن تۆن، بە جۆرێک عێراقییەکان ساڵانە نیو ملیار مریشک دەخۆن، تێکڕای خواردنی مریشک بۆ هەر تاکێک لە مانگێکدا یەک مریشکە.