هۆکار و چارەسەری بۆنی ناخۆشی قاچ و گۆرەوی

ئاڤا نیوز  

چەندین هۆکار هەن کە دەبنە هۆی بۆنی ناخۆشی قاچ، بەڵام کۆمەڵێک ڕێگە جیاواز و سرووشتی هەیە کە دەتوانیت بەهۆیەوە ڕزگارت بێت لە بۆنی ناخۆشی قاچ و گۆرەوی.

وێنە گەورەکە: پێیەکان زیاتر لە هەموو شوێنێکی تری لەش ڕژێنی ئارەقکردنەوەیان هەیە بە تایبەتی لە وەرزی هاویندا، بەڵام هەرزەکاران و ژنانی دووگیان زیاتر ڕووبەڕووی ئەم حاڵەتە دەبنەوە، ئەویش بەهۆی گۆڕانکاری هۆرمۆنەکان.

ئەوەی پێوستە بیزانیت: هۆکاری زۆر هەیە کە دەبێتە هۆی بۆنی ناخۆشی قاچ وەک نەبوونی هەواگۆڕکێ بۆ پێیەکان، چونکە هەر قاچێک 250 هەزار ڕژێنی ئارەقەی تێدایە، هەروەها کارلێکی بەکتریا لەگەڵ ئارەق، لەبەرکردنی پێڵاوی کوالێتی خراپ، لەبەرکردنی پێلاوێک بۆ ماوەیەکی درێژ، خواردنی زۆرێک لە دەرمانەکان بەهۆی نەخۆشییەوە.

چارەسەرەکان: چەندین ڕێگە هەیە بۆ ڕزگاربوون لە بۆنی ناخۆشی پێ، لەوانە:
1-    بەکارهێنانی پاودەری قاچ 
2-    پێیەکان بە باشی وشک بکەرەوە
3-    بەکارهێنانی سرکە بۆ شۆردنی پێیەکان
4-    دانانی پێڵاو لە شوێنێکی فێنک و وشک 
5-    بەکارهێنانی چای ڕەش بۆ شۆردنی پێیەکان 
6-    قڵیشاندنی پێیەکان بۆ ڕزگاربوون لە پێستی مردوو 
7-    پاراستنی پاک و خاوێنی پێیەکان بە شۆردنی ڕۆژانە
8-    بەکارهێنانی زەیتی لاڤاندەر، زەیتی نەعنا، یان زەیتی درەختی چا بۆ قاچەکان
9-    لەپێكردنی پێڵاوی جیاواز، دوربکەوە لەوەی پێڵاوێك بۆ چەند ڕۆژێك لەسەر یەك لەپێ بكەی.