بلینکن: هەوڵەکانمان بۆ دۆزینەوەی ئێزیدییەکانی دەستی داعش بەردەوامە

ئاڤا نیوز

 

ئەنتۆنی بلینکن، وەزیری دەرەوەی ئەمریکا باس لە دۆخی ئێزیدییەکانی هەرێمی کوردستان دەکات و جەخت لەسەر بەردەوامبوون لە گەڕان و دۆزینەوەی ونبووەکانی دەستی داعش دەکاتەوە.

 

وێنە گەورەکە: لە یادی 10 ساڵەی جینۆسایدی ئێزیدییەکان بەدەستی داعش، بلینکن باس لە نەهامەتییەکانی شەڕی داعش لە هەرێمی کوردستان و عێراق دەکات.

 

لێدوانی فەرمی: ئەنتۆنی بلینکن، وەزیری دەرەوەی ئەمریکا گوتی: لەو ماوەیەدا، ئێمە نزیکەی 500 ملیۆن دۆلارمان وەبەرهێناوە کە بە تایبەتی ئامانجی بووژانەوەی ئەو کۆمەڵگەیانە بووە کە زۆرترین کاریگەریی داعشیان لەسەر بووە. 

 

خاڵی ئەرێنی: بلینکن جەختی لەسەر بەردەوامبوون لە گەڕان بەدوای چارەنووسی ئێزیدییە ونبووەکان کە لە ژیاندا ماون کردووەتەوە و پێیوایە، پێشکەوتنیان بەدەستهێناوە، بەڵام کاری زۆر ماوە و پڕۆسەکەش بەردەوامە.

 

زیانە سەرەکییەکان: زیاتر لە ملیۆنێک عێراقی بە ئاوارەیی لە ناوخۆی عێراقدا ماونەتەوە، نزیکەی 300 هەزار ئێزدییان تێدایە؛ 2 هەزار و 600 ئێزدی بێسەروشوێنن و بێ چارەنووس ماون.