![شۆڕش غەفووری/ بەڕێوەچوونی کۆبوونەوەی چوارچێوەی هەماهەنگی - گرافیکی ئاڤا نیوز](/_next/image?url=https%3A%2F%2Fassets.ava.news%2Fnews%2F8780%2FThq8S8d1SOG1RMlRtwDn.jpg&w=3840&q=100)
شۆڕش غەفووری/ بەڕێوەچوونی کۆبوونەوەی چوارچێوەی هەماهەنگی - گرافیکی ئاڤا نیوز
سەرۆکێکی ماندوو، بەڵام جددی بۆ نەتەوەکەی، دوو ڕۆژە لە بەغدایە. چەندین دۆسیەی گرنگی بە دەستەوەیە بۆ ئەوەی چارەسەریان بکات. وەک دۆسیەکانی:
ـ بودجە، مووچە و یاسای نەوت و گاز
ـ هەناردەکردنەوەی نەوتی هەرێمی کوردستان
ـ جێبەجێکردنی ڕێککەوتننامەی شنگال
ـ پێکهێنانی حکومەتی خۆجێیی کەرکووک
ـ پێکهێنانی ئەنجوومەنی باڵای فیدراڵی
سەرۆک بارزانی، لە دوو ڕۆژدا 20 دیدار و کۆبوونەوەی لەگەڵ بەرپرس و کەسایەتییە باڵاکانی سوننە و شیعە هەیە و دەبێت کە ئەمەش بەر لە هەموو شتێک نیشاندەری خەمخۆری سەرۆکە بۆ چارەسەری ئەو پرسانەی لە ناوەوە و دەرەوە کۆسپیان دەخرێتە پێش و لە لایەکی دیکەوەش نیشاندەری کەسایەتیی کاریزماتیکی سەرۆک بارزانییە کە ئێستا وەک تاقە کاسایەتییەکی نیشتمانی لە عێراق و هەرێمی کوردستان چاوی لێ دەکرێت و هەمیشە دەرگاکانی بەڕوودا واڵا کراوە بۆ ئەوەی ببێتە ڕێنیشاندەری هەمووان لە گەیشتن بە ڕێککەوتنێکی نیشتمانی و پاراستنی نێو ماڵی عێراقییەکان.
ئەم سەردانەی سەرۆک بارزانی، لەم کاتەدا هەم بۆ عێراق و هەم بۆ هەرێمی کوردستان گرنگ و چارەنووسسازە. بەو پێیەی هەڵبژاردنی پەرلەمان لە پێشە کە دەتوانێت زۆرێک لە هاوکێشەکان بگۆڕێت و چارەسەرکردنی کێشەکانی هەولێر- بەغداش بەشێک دەبن لە ڕەنگڕێژکردنی ئەم هاوکێشانە و ڕەنگدانەوە و کاریگەرییەکی گەورەیان لەسەر پڕۆسەی سیاسی عێراق و یەکلاییکردنەوە و چارەسەرکردنی پرسە جێناکۆکەکان لە نێوان لایەنە سیاسییەکان دەبێت.
شەش ساڵ بەسەر سەردانی پێشووی سەرۆک بارزانی بۆ لای بەرپرس و کەسایەتییە سیاسییەکانی عێراق تێدەپەڕێت، لەم ماوەیەدا پرس و پێشهات و کارەسات و ڕووداوی زۆر بەرامبەر هەرێمی کوردستان ڕوویان دا کە دەکرێت ببنە وانەیەک بۆ سیاسییەکانی عێراق، چونکە ئەوانیش لە نێوخۆیاندا دۆخیان خراپە و هەردەم دوای گەیشتنە بنبەست دەگەڕێنەوە لای سەرۆکە حەکیمەکە، چونکە سەرۆک بارزانی لەسەر بنەمایەکی ئینسانی ـ بەرژەوەندیی گشتی سیاسەت دەکات و هەموو شتێک ناکاتە قوربانی بەرژەوەندییە بەرتەسک و تاکڕەهەندییەکان.
بۆیە بە شیعە و سووننەشەوە، سەردانەکەی سەرۆک بارزانی، بۆ نێوەندگیرییان و چارەسەری چەند پرسێکی نێوان هەولێر و بەغدا بە گرنگ دادەنرێت.
سەردانەکەی سەرۆک بارزانی، لە هەمووان زیاتر بۆ محەمەد شیاع سوودانی ـ سەرۆکوەزیرانی عێراق گرنگە، بەو پێیەی لە لایەکەوە سوودانی خوازیاری هاوڕایی هەموو لایەنە سیاسییەکانی عێراق و کوردستانە لە سەرکەوتنی هەنگاوە سیاسییەکانی لەم وێستگەیەدا و مسۆگەرکردنی وێستگەی ئایندەی، لەلایەکی دیکەوەش سەردانەکە نیشاندەری سوپاس و پێزانینی سەرۆک بارزانییە بۆ دەرئەنجامە باشەکانی هەوڵی هەردوو سەرۆکوەزیران بارزانی و سوودانی لە چارەسەری کێشە و گرفتە ماوەدرێژەکانی نێوان هەولێر و بەغدا.
عێراقییەکان تێگەیشتوون، عێراقی بێ کورد هەرگیز نابێتە دەوڵەتێکی جێگیر و سەرکەوتوو و پشتیوانی لە ئەجێندای دەرەکی دژ بە کیانی سیاسیی کورد و دیپلۆماسیی ئاوەزمەدارانەی حکومەتی هەرێمی کوردستان، لە وڵاتێکدا کە بیهەوێت هەستێتەوە و سەقامگیر بێت و پێش بکەوێت لاسەنگی دروست دەکات، بۆیە "گفتوگۆی بوونیادنەرانە و تێڕوانینی هاوتا لەسەر پرسە ناوخۆیی و هەرێمییەکان پێویستن بۆ بەردەوامیدان بە هەماهەنگی و هاوکاریی یەکتری".
زیاتر لەسەر ئەم بابەتانە بکۆڵەرەوە
نوێترین بیروڕا
گرنگیی فیلمی کفن لە پیشەسازیی سینەمای کوردیدا
8 کاتژمێر لەمەوپێش
بەهۆی هاوبەشیی هەواڵگرییەوە ئەمریکا و بەریتانیا لەپێشەوەن
10 کاتژمێر لەمەوپێش
دۆكترینی سهربازیی ئیسرائیل و جهنگ له ڕۆژههڵاتی ناوهڕاست
6 ئەیلوول
دۆستەکانی مام جەلال لە سلێمانی جێگایان نابێتەوە
6 ئەیلوول
گوێتان لە سەرۆکوەزیران بوو، چۆن تێیگەیشتن؟
5 ئەیلوول
سەرئێشەی بڵاوبوونەوەی ئەتۆمی بۆ سەرۆکی داهاتووی ئەمریکا
1 ئەیلوول
نوور زوهێر و پاسکوا؛ دوو دزی سەدە و یەک پەیام
30 ئاب
بۆچی مەسرور بارزانی بەئامانج دەگرن؟
27 ئاب
کفن بۆ هۆشیارکردنەوەی کۆمەڵگە لە دیاردەیەکی قێزەون
24 ئاب
کفن وەک دیمەنی کۆتایی جەنگ وابوو
22 ئاب
- بزنس
- 5 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 5 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 6 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 6 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
- بزنس
- 6 کاتژمێر لەمەوپێش
بڕیاری هاوردەکردنی بەنزینی بازرگانی دەچێتە بواری جێبەجێکردن