کاک مەسرور چی وت؟

لە کۆبوونەوەی ڕۆژی چوارشەممەی ئەنجوومەنی وەزیران، کاک قوباد بەرامبەرم بوو بینیم کەڤەری گۆڕی و لەسەر کەڤەرەکەی نوسرابوو دەسەڵاتی خۆسەپێن دەگۆڕین، منیش کۆمێنتێکم  بۆی نووسی کە هەموو بینیتان!

 

لە دوایین خولەک و  پێش هەستان لەسەر کورسی کۆبوونەوەکە، بەڕێز سەرۆکوەزیران بە پێکەنینەوە وتی "ئەرێ برادەران قەسدیان ئەوەیە ئێمە دەگۆڕن دەڵێن دەسەڵاتی خۆسەپێن؟ ئینجا مایکی بەردەم خۆی کردەوە و وتی "تەنها دەسەڵاتی خۆسەپێن ئەوەیە کە لە سلێمانی هەیە و بەم نزیکانەش کۆتایی پێ دێت، چونکە ئەو دەسەڵاتەی لێرە لە پایتەخت هەیە بەردەوام دەبێت و ئێوە ناتوانن بیگۆڕن".

 

کاک مەسرور ئەم قسەیەی کرد و لە شوێنی خۆی هەستاو خودا حافیزیکرد!

 

کە جەنابیان گەیشتە لای دەرگاکە و لە پشتییەوە و ڕووبەڕوو نا، لەژێر لێوەوە کاک قوباد دوو سێ قسەیکرد، باوەڕبکەن من نەمزانی چیگوت، چونکە زۆر بەکزی گوتی!

 

زۆر جار محاسەبە و گلەیی و سەرزەنشتکردن لەلایەن بەڕێز سەرۆکوەزیران ئەنجامدراوە لەناو کۆبوونەوەکانی ئەنجوومەن لەسەر بابەتی قاچاخی و مەرز و زۆر شتی دیکە، بەڵام هیچکات تەنانەت ڕوونکردنەوەشم نەبیستووە نەک  وەڵامدانەوە!