ئەمساڵ هەناردەی نەوتی هەرێمی کوردستان دەستپێدەکاتەوە

ئاڤا نیوز

لیژنەی نەوت و وزە و وەزیری نەوت کۆبوونەوە، تەوەری سەرەکی هەڵوەستەبوو لەسەر دەستپێکردنەوەی هەناردەی نەوتی هەرێمی کوردستان لەڕێگەی بەندەری جەیهان.

وێنە گەورەکە: زیاتر لە 485 ڕۆژە هەناردەی نەوتی هەرێمی کوردستان لە بەندەری جەیهانی تورکیا وەستاوە، دوای زنجیرەیەک کۆبوونەوە لە نێوان شاندی هەولێر و بەغدا هیچ هەنگاوێکی ئەرێنی بەدوادا نەهاتووە.

لێدوانی فەرمی: کاڤین شێخ سەعید، ئەندامی لیژنەی نەوت و وزە لە پەرلەمانی عێراق، بە ئاڤا نیوزی گوت: "ئەمساڵ هەناردەی نەوتی هەرێمی کوردستان دەستپێدەکاتەوە، چونکە ناکرێت عێراق تەنیا یەک دەروازەی (بەسرە) هەبێت بۆ هەناردەی نەوت لە ئەگەری دروستبوونی گرفت لە كەنداو و گەرووی هورمز زیانی ئابووری گەورە بەر ئابووری عێراق دەکەوێت".

زانیاریی زیاتر: هەرێمی کوردستان چەند جارێک ئامادەیی خۆی بۆ هەناردەی نەوت دووپاتکردووەتەوە، بەڵام تاوەکو ئێستا کۆمپانیای سۆمۆ هیچ ڕێگە چارەیەکی بۆ وەرگرتنی نەدۆزیوەتەوە و تێچووی دەرهێنان و گواستنەوەی نەوتیش لەلایەن حکومەتی فیدڕالییەوە پەسەند نەکراوە.

 ئەو ئەندامەی لیژنەی نەوت و وزە وای گوت.