14 ملیار دینار لە خشتەی بودجەی عێراق زیاد دەكات و هۆكارەكەشی نازانرێت

ئاڤا نیوز

زیاتر لە مانگێکە پەرلەمانی عێراق دەنگی لەسەر خشتەی بودجەی 2024 داوە، بەڵام زیاتر لە 14 ملیار دینار زیاد كراوە و تاوەكو ئێستا هۆكارەكەی نازانرێت.

وێنە گەورەکە: ئەنجوومەنی وەزیرانی عێراق، بە نووسراوێک سەرۆکایەتیی پەرلەمانی عێراق ئاگەدار دەکاتەوە کە سێ نووسراوی جیاوازیان لەسەر خشتەی بودجە پێگەیشتووە و نازانن مامەڵە بە کامیانەوە بکەن و لە نێوان ئەو سێ نووسراوەدا 14 ملیار دینار بێ هۆكار زیاد بووە.

ئەوەی پێویستە بیزانیت: سەرەتا ئەنجوومەنی وەزیرانی عێراق، خشتەیەکی بە بڕی 211 ترلیۆن دینار ڕەوانەی پەرلەمان کردووە، پاش دەنگدان لەسەر خشتەکە بە ئەلیکترۆنی و نووسراو نێردراوە بۆ سەرۆکایەتیی کۆمار و ئەنجوومەنی وەزیران کە خشتەكان جیاوازن و لەم نێوەندەدا 14 ملیار دینار زیاد كراوە و تاوەكو ئێستا هۆكارەكەی نازانرێت.

زانیاریی بەدەستهاتوو: ئەندامێکی لیژنەی دارایی پەرلەمانی عێراق بە ئاڤا نیوزی گوت: بەپێی ئەو خشتەیەی ئەنجوومەنی وەزیرانی عێراق ڕەوانەی پەرلەمانی کردووە ، پەرلەمانی عێراق 14 ملیار دیناری زیاتری پەسەند کردووە و جارێ ڕوون نییە ئەو 14 ملیارە چۆن زیاد کراوە.