عێراق 300 مێگاوات کارەبا لە تورکیا هاوردە دەکات

ئاڤا نیوز

 

بۆ دابینکردنی کارەبای پێویست بۆ هاووڵاتییان بە تایبەتی لە وەرزی هاویندا، عێراق کارەبا لە تورکیا هاوردە دەکات.  

 

وێنە گەورەکە: عێراق بە کردنەوەی هێڵی بەستنی کارەبا لەگەڵ تورکیا، 300 مێگاوات کارەبا بۆ پارێزگاکانی نەینەوا، سەڵاحەددین و کەرکووک دابین دەکرێت.

 

ڕاگەیێنراوی فەرمی: محەممەد شیاع سوودانی، سەرۆکوەزیرانی عێراق هێڵی بەستنی کارەبای نێوان عێراق و تورکیا کردەوە لە ڕێگەی وێستگەی کەسک لە خۆرئاوای موسڵ بە توانای 300 مێگاوات.

 

لە لایەکی دیکەوە: لەمیانەی کردنەوەی پرۆژەکە، سوودانی گوتی، لە کۆتایی ئەمساڵدا پرۆژەی بەستنەوەی کارەبا لەگەڵ کوێت و سعودیە تەواو دەکرێن.

 

ئەوەی پێویستە بیزانیت: پرۆژەی هێڵی بەستنی کارەبای نێوان عێراق و تورکیا لە ساڵی 2004ــەوە ڕاگیراوە، وەزارەتی کارەبا لە مانگی ئایاری ڕابردوو بەمەبەستی بەکارخستنی ڕێکەوتنێکی نوێی لەگەڵ تورکیا واژۆ کرد.