فەرماندەیەکی نوێ بۆ فڕۆکەوانی سوپای عێراق دادەنرێت

ئاڤا نیوز

 

بە فەرمانی سەرۆکوەزیرانی عێراق ژمارەیەکی دیکە لە فەرماندە باڵاکانی سوپای عێراق لە پۆستەکانیان دوورخرانەوە و گوڕانکارییەکان لە ڕیزەکانی سوپا بەردەوامە.

 

وێنە گەورەکە: محەممەد شیاع سوودانی، سەرۆکوەزیرانی عێراق و هاوکات فەرماندەی گشتیی هێزە چەکدارەکانی عێراق، بەردەوامە لە ئەنجامدانی گۆڕانکاری لە پۆستە باڵاکانی سوپا و چەندین فەرماندەی نوێ دەستنیشان دەکات.

 

ڕاگەیێنراوی فەرمی: بە فەرمانی محەممەد شیاع سوودانی، لیوا ڕوکنی فڕۆکەوان محەممەد عەبدولکەریم عەونی، ئەرکی فەرماندەی فڕۆکەوانی سوپای پێ بەخشرا لە شوێنی فەریق روکن سەمیر زەکی.

 

ئەوەی پێویستە بیزانیت: پێشتریش ئەمینداری گشتیی وەزارەتی بەرگریی و فەرماندەی فیرقەی 14 و 17ی سوپای عێراق و چەندین بەرپرسی دیکەش لە پۆستەکانیان دوورخراونەتەوە.