سێنتکۆم: داعش لە سووریا و عێراق  سەرهەڵدەداتەوە

ئاڤا نیوز

فەرماندەی ناوەندیی ئەمریكا دەڵێت، داعش لە سووریا و عێراق زۆر بەتووندی سەرهەڵدەداتەوە و چەندین ناوچەش كۆنترۆڵدەكات.

وێنە گەورەکە: مەترسی دووبارە سەرهەڵدانەوەی داعش لە هەندێک لە ناوچەکان نیگەرانی درووست كردووە، سێنتكۆم دەڵێت بە "بەهێزتر دەگەڕێتەوە".

لێدوانی فەرمی: ژەنەڕاڵ مایکل ئی کوریلا، فەرماندەی سێنتکۆم، ڕایگەیاند:" پێداگری لەسەر ئەوە دەكەم کە گەیشتن بە شکستێکی هەمیشەیی داعش هێشتا بە دوور دەزانم و  پەیامێکی ڕوونە لە پێش دانوستانە دووقۆڵییەکانی هەفتەی داهاتووی ئەمریکا و عێراق لە واشنتن  هێشتا داعش مەترسییە لەسەر ناوچەكە".

ئەوەی پێویستە بیزانیت: لە سەرەتای ساڵی 2023 تا ئێستا داعش لە عێراق و سووریا 188 هێرشی ئەنجامداوە، زیادبوونی هێرشەکان ئاماژەیە بۆ ئەوەی کە داعش هەوڵی خۆ ڕێكخستنەوە دەدات دوای چەند ساڵێک لە کەمبوونەوەی تواناکانی.

زانیاریی زیاتر: داعش لە سووریا بەتەواوەتی لە حاڵەتی ئامادەباشدایە و لەعێراقیش بە هەمان شێوە.

ژمارەكان وا دەڵێن: لە سەرەتای ساڵی 2024ەوە داعش لە عێراق 35 هێرشی ئەنجامداوە و لە سووریاش 153 هێرش.