ئەنجوومەنی وەزیرانی هەرێمی كوردستان لەگەڵ كۆمپانیاكانی نەوت گفتوگۆ دەكات

ئاڤا نیوز

 هەوڵەكان بۆ دەستپێكردنەوەی هەناردەی نەوتی هەرێمی كوردستان بەردەوامن، حكومەتی هەرێمی كوردستان، گفتوگۆ لەگەڵ كۆمپانیاكانی وەبەرهێنی نەوت دەكات.

وێنە گەورەكە: گفتوگۆی نێوان هەولێر و بەغدا، بۆ دەستپێكردنەوەی هەناردەكردنی نەوتی هەرێمی كوردستان بەردەوامە، لەسەر ئاستی ئەنجوومەنی وەزیرانی هەرێمی كوردستان گفتوگۆ لەگەڵ شاندی كۆمپانیاكانی وەبەرهێنی نەوت دەكرێت.

ڕاگەیێنراوی فەرمی: ئومێد سەباح، سەرۆكی دیوانی ئەنجوومەنی وەزیرانی هەرێمی كوردستان، ڕایگەیاند: ئەمڕۆ لەگەڵ شاندێکی کۆمپانیاکانی وەبەرهێنی نەوت كۆبووەتەوە کە پێکهاتبوون لە جۆن هاریس بەڕێوەبەری گشتی کۆمپانیای گۆڵف کیستۆن، تۆفیق شاهین سەرۆکی کۆمپانیای کرێستینف، مات زایس، جێگری سەرۆکی کۆمپانیای HKN، سرود موختار، بەڕێوەبەری گشتی کۆمپانیای HKN لە عێراق.

ئەوەی پێویستە بیزانیت: لە کۆبوونەوەکەدا باس لە پرسی دەستپێکردنەوەی هەناردەی نەوتی هەرێمی كوردستان و دۆزینەوەی میکانیزمێک بۆ چارەسەربوونی ئەو گرفتە كراوە.