مونا قەهوەچی: گۆڕانكارییەكی ئەوتۆ لە پەرلەمان ڕوونادات

ئاڤا نیوز  

هەرچەندە ژمارەی كورسیی پێكهاتەكان لە پەرلەمانی كوردستان كەمكراوەتەوە، بەڵام مونا قەهوەچی، جێگری سەرۆكی پارتی چاكسازی توركمان دەڵێت گۆڕانكارییەكی ئەوتۆ ڕوونادات.

وێنە گەورەكە: لەكۆی 11 كورسی، بۆ هەڵبژاردنی ئەمجارەی پەرلەمانی كوردستان پێكهاتەكان تەنیا پێنج كورسییان بۆ دابین كراوە.

لێدوانی فەرمی: مونا قەهوەچی، جێگری سەرۆكی پارتی چاكسازی توركمان بە ئاڤا نیوزی گوت: لەڕووی نەخشەی سیاسی و زۆرینەی پەرلەمانی لەنێو هۆڵی پەرلەمان، ئەمجارە گۆڕانکارییەکی ئەوتۆ ڕوونادات، چونكە خەڵکی کوردستان دەزانن کام لایەنی سیاسی قەوارەی دەستووریی هەرێمی کوردستان دەپارێزێت.

زانیاریی زیاتر: "خەڵکی کوردستان بڕیار دەدات کێ زۆرینەی پەرلەمان و حکومڕانی هەرێمی کوردستان بێت، پێکهاتەکانیش لەوە تێگەیشتوون کێ هاوپەیمان و پشتیوان و پارێزەریانە".مونا قەهوەچی وای گوت.