ئامارێکی مەترسیدار لەبارەی ماددە هۆشبەرەکان ڕادەگەیێنرێت

ئاڤا نیوز  

ئەنجوومەنی ئاسایشی هەرێمی کوردستان ڕایگەیاند، دەست بەسەر بڕێکی زۆر ماددەی جۆراو جۆری هۆشبەر گیراوە و دەیان بازرگانیش دەستگیركراون.

وێنە گەورەكە: هێزە ئەمنییەكان و بەڕێوەبەرایەتیی نەهێشتنی ماددە هۆشبەرەكان لە هەرێمی كوردستان، بەردەوام لە هەوڵدان بۆ بنبڕكردنی بازرگانیكردن و بەكارهێنانی ماددە هۆشبەرەکان.

ڕاگەیێنراوی فەرمی: ئەنجوومەنی ئاسایشی هەرێمی کوردستان ڕایگەیاند: لە ماوەی هەشت مانگ و نیوی ڕابردوودا دەیان کەس بەتۆمەتی کڕین و فرۆشتنی ماددەی هۆشبەر دەستگیرکراون، 952 کیلۆگرام ماددەی هۆشبەری جۆراوجۆریش دەستی بەسەردا گیراوە.

ئەوەی پێویستە بیزانیت: لەنێو دەستگیرکراوەکاندا ژمارەیەک بازرگانی ناوخۆیی و بیانی و نێودەوڵەتی هەیە، هاوکات دەیان کەس بەتۆمەتی بەکارهێنانی ماددەی هۆشبەر دەستگیر کراون.