ئەبو باقر ساعیدی، ئەو سەرکردەیەی حەشدی شەعبی کە لە هێرشەکەی ئەمریکا کوژرا
ئاڤا دیجیتاڵ
شەوی چوارشەممە لە ناوچەی مەشتەلی بەغدا، ئەمریکا بە درۆن هێرشی کردە سەر ئۆتۆمبێلێکی جۆری جێپ، بەهۆیەوە ئەبو باقر ساعیدی، فەرماندەی دیاری کەتائیبی حیزبوڵڵای عێراق کوژرا.
ئەمریکا ئەبو باقر بە پلانداڕێژەری هێرشکردنە سەر هێزەکانی لە ڕۆژهەڵاتی نێوەڕاست تۆمەتبار دەکات.
فەرماندەیی ناوەندیی هێزەکانی ئەمریکا (سێنتکۆم) راگەیێنراوێکی لەبارەی هێرشەکە بڵاوکردووەتەوە و تێیدا هاتووە؛ ئەبو باقر ساعیدی بەرپرس بووە لە پلاندانانی ڕاستەوخۆ و بەشداریکردن لە هێرشی سەر هێزەکانی ئەمریکا لە ناوچەکەدا.
ئەبو باقر بەرپرسی سیستەمی مووشەکی و درۆنی کەتیبەکانی حیزبوڵڵای عێراق بووە. بەرپرس بووە لە ئەنجامدانی چەندین هێرش بۆ سەر هێزەکانی ئەمریکا لە سووریا.
پێش کوژرانی لە کوێ بوو؟
ئەحمەد عەلوانی، نووسەری عێراقی و دانیشتووی ئەڵمانیا دەڵێت: ئۆتۆمبێلەکە لە نووسینگەی هادی عامری، سەرۆکی رێکخراوی بەدر بووە، دوای هاتنەدەرەوەی کراوەتە ئامانج. ئەبو باقر ساعیدی بەرپرسی کەرتی جورف سەخر بووە، هەروەها ئەو کەسەی لەگەڵیشی کوژرا ئەرکان عەلیاوی، بەڕێوەبەری هەواڵگریی حیزبوڵڵا بووە.
ساعدی کێ بوو؟
لە شوێنی ڕووداوەکە ناسنامەی ئەبو باقر ساعیدی دۆزراوەتەوە و نەسووتاوە. میدیای نزیک لە گرووپە چەکدارەکان بڵاوی کردووەتەوە: ناوی تەواوی وسام محەممەد سابرە. لە دەستەی حەشدی شەعبی بووە لە سەرۆکایەتیی ئەنجوومەنی وەزیران بە پلەی راوێژکار. بەڵگەیەکی زیندوویشە لە پەیوەندی کەتائیبی حیزبوڵڵا و لیوای وەعدوئەلحەق و حەشدی شەعبی پێکەوە.
ساعدی پێشتر پاسەوانی تایبەت و متمانەپێکراوی ئەبو مەهدی موهەندیس، دامەزرێنەری حیزبوڵڵا بوو کە ئەمریکا لەگەڵ قاسم سولەیمانی ساڵی 2020 کوشتی.
لەو کەسە کەمانە بوو کە ڕێگەی پێدەدرا دەچووە ژووری کۆبوونەوەکانی ئەبو مەهدی موهەندیس لەگەڵ بەرپرسانی سوپای پاسداران.
هەروەها لەوانەش بوو کە ڕێگەی پێدەدرا لەکاتی ئامادەبوونی قاسم سولەیمانی چەک هەڵبگرێت.
ئەبو باقر سەر بە باڵی ئەبو حوسێن حمێداوی، ئەمینداری گشتی حیزبوڵڵا بوو کە سەرپەرشتی باڵی ئۆپەراسیۆنە تایبەتەکان دەکات لەنێو حیزبوڵڵا.
رۆڵی ساعدی لە خۆپێشاندانەکانی تشرین چی بوو؟
بەپێی راپۆرتی پەیمانگەی واشنتن، ساعدی لە ساڵی 2019 فەرماندەی بەڕێوبەرایەتیی ئاسایشی ناوەندی حەشدی شەعبی بوو لە بەری رەسافەی بەغدا، واتە بەرپرسی ناوچەی سەرەکی خۆپێشاندانەکانی 2019ی تشرینییەکان بوو کە گۆڕەپانی تەحریر بوو.
دوێنێش دوای کوژرانی، میدیاکانی نزیک لە حەشدی شەعبی بڵاویان کردەوە؛ ساعیدی، بەڕێوەبەری ئۆپەراسیۆن، بەڕێوەبەری ئۆپەراسیۆنی گورزوەشاندن و سەرۆکی ئۆپەراسیۆنە دەرەکییەکانی حیزبوڵڵا بووە.
ئەمریکا دەڵێت، بەشێوەیەکی ڕاستەوخۆ ساعیدی بەرپرس بووە لە هێرشەکەی 28ی مانگی ڕابردووی ئوردن کە بووە هۆی کوژرانی سێ سەربازی ئەمریکی.
زیاتر لەسەر ئەم بابەتانە بکۆڵەرەوە
ئاڤا دیجیتاڵ
Editor
دوایین هەواڵەکان
- جیهان
- 25 خولەک لەمەوپێش
بولگاریا لێکۆڵینەوە لە ناردنی پەیجەرەکان بۆ حیزبوڵڵا دەکات
- ببینە و ببیستە
- 26 خولەک لەمەوپێش
بەرنامەی زەڕەبین؛ ماددەی هۆشبەر
- ببینە و ببیستە
- 51 خولەک لەمەوپێش
چیرۆکەکانی کوردستان - ئەڵقەی چوارەم
- کوردستان
- 1 کاتژمێر لەمەوپێش
لە هەولێر گرفتی کەمئاوی بە تەواوی چارەسەر دەکرێت
هەڵبژاردەکان بۆ تۆ
ڕەسووکە دەچێتە گوندی سرێشمەی باڵەکایەتی
20 کاتژمێر لەمەوپێش
ڕواندز و بیارە پێشبڕکێ بۆ بوون بە خۆشترین گوندی گەشتیاریی جیهان دەکەن
22 کاتژمێر لەمەوپێش
کاتی دابەشکردنی مووچە لە کوردستان و عێراق یەکدەخرێت
18 ئەیلوول
نهێنیی تەقینەوەی بێتەلەکانی حیزبوڵڵای لوبنان ئاشکرا دەبێت
17 ئەیلوول
پەیجەر چییە و بۆچی چەكدارانی حیزبوڵڵا بەكاریدەهێنن؟
17 ئەیلوول
- عێراق
- 1 کاتژمێر لەمەوپێش
چوار سەرکردەی دیکەی داعش لە عێراق کوژران
- عێراق
- 7 کاتژمێر لەمەوپێش
ڕێکخراوێکی جیهانی دژی هەمواری یاسای باری کەسێتیی عێراق دەوەستێتەوە
- عێراق
- 7 کاتژمێر لەمەوپێش
بۆ ڕێکخستنەوەی هێڵی ئاسمانی عێراق چەند بڕیارێک دەردەکرێت
- عێراق
- 18 کاتژمێر لەمەوپێش
دادگای فیدراڵی دەستەی میدیا و پەیوەندییەکانی خستە ژێر دەسەڵاتی پەرلەمان
- عێراق
- 20 کاتژمێر لەمەوپێش
عێراق دوای ڕووداوەکانی لوبنان ڕێوشوێنی خۆپارێزی دەگرێتەبەر
- عێراق
- 20 کاتژمێر لەمەوپێش
دوای هێرشەکانی لوبنان سەدر لە خۆپیشاندنی ملیۆنی پاشگەز دەبێتەوە
- عێراق
- 20 کاتژمێر لەمەوپێش
عێراق دەیەوێت سوود لە ئەزموونی هەرێمی کوردستان وەربگرێت