ژووری بازرگانیی ئێران هۆشداری لەدەستدانی بازاڕی عێراق دەدات

ئاڤا نیوز

 

ژووری بازرگانیی ئێران هۆشداری لەدەستدانی بازاڕی عێراق دەدات لە ماوه‌یه‌كی نزیكدا و داوای چارەسەری خێرا دەکات.

 

وێنە گەورەکە: هەناردەی ئێران بۆ عێراق بەدرێژایی ساڵی ڕابردوو زیاتر لە 10 ملیار دۆلار بووە.

 

لێدوانی فەرمی: سەمەد حەسەن زادە، سەرۆکی ژووری بازرگانیی ئێران ڕایگه‌یاند: ئه‌گه‌ر نه‌توانین سوودمه‌ندبین لە خزمەتگوزارییەکانی سیستەمی بانكی عێراق، ئه‌وا نرخی بەرهەمی هەناردەکراوی ئێران بە ڕێژەی لەسەدا 20 بۆ 25 بەرز دەبێته‌وه‌.

 

کاریگەری و لێکەوتەکانی: ئەگەر کێشەی گواستنەوەی دراو بەمشێوەیەی ئێستا بەردەوام بێت، ئێران لە چەند مانگی داهاتوودا ناتوانێت لە بازاڕی عێراقدا به‌و سه‌نگه‌ی ئێستا بمێنێته‌وه‌.

 

ئه‌مه‌ش بزانه‌: لەسەر داوای ئەمریکا، لە سەرەتای ئەمساڵەوە بانکی ناوەندیی عێراق پلانێکی بۆ قەدەغەکردنی مامەڵەکردن بە دۆلاری ئەمریکی لەگەڵ ئێران جێبەجێکرد.